HECHOS 19:29 - Dios Rimashcata Quillcashcami

²⁹ Chaimantami tucui gentecuna ashtahuan piñarishpa caparicurca. Chashnami Pablohuan puric Macedonia llactamanta Gayotapish, Aristarcotapish japishpa, tandanacuna jatun ucuman aparcacuna.

Nuevo Testamento en Quichua Cañar 1996

²⁹ Chaimantami tucui chai pueblopi causaccunaca ashtahuan p'iñarishpa caparinacurcacuna. Chashnami Pablohuan puric Macedonia llactamanta Gayotapish, Aristarcotapish huaica japishpa, paicuna tandanacuna jatun ucuman aparcacuna.

HECHOS 19:29 Referans Kwoze

HECHOS 20:4

Pablotaca Berea pueblomanta Sopaterpish, Tesalónica pueblomanta Aristarcopish, Segundopish, Derbe pueblomanta Gayopish, Timoteopish, Asia llactamanta Tiquicopish, Trofimopishmi Asia llactacaman compañarca.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.

HECHOS 27:2

Adramitio pueblomanta barcopimi huichicurcanchic. Chai barcoca Asia llacta puertocunamanmi ricushca carca. Macedonia llacta Tesalónica pueblomanta Aristarcopishmi ñucanchic-huan ricurca.

1 CORINTIOS 4:9

Chaica, ñucaca apostolcunataca huañuchingapac chicanyachishpa tucuipac huashapi Dios churashcatami yuyani. ¡Chaimantami cai pachapi causac tucui gentecunapacpish, angelcunapacpish asina tucushcanchic!

1 CORINTIOS 1:14

Cancunapuramantaca maijantapish mana bautizarcanichu, ashtahuanpish Crispota, shinallatac Gayollatami bautizarcani. Chaimantaca Diostami pagui nini.

ROMANOS 16:23

Shinallatac ñucatapish, tandanacushca criccunatapish pozachic Gayopish saludanmi. Cai pueblopac cullquita japic Erastopish, Jesusmanta huauqui Cuartopish saludanmi.

HECHOS 21:30

Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.

HECHOS 19:22

Chashna yuyashpami, paita ayudac Timoteotapish, Erastotapish Macedonia llactaman cacharca. Paica chai Asia llactallapitacmi asha punzhacaman saquirirca.

2 CORINTIOS 8:19

Alli nishcallapish paica mana canchu, ashtahuanpish ñucanchic-huan pacta cullquita tandachishpa richun, tandanacushca criccuna acllashcami can. Cai shina tandashpa apashpaca Apunchic Jesús alli nishca cachun, shinallatac criccuna cuna munaita charishcata ricuchingapacmi ruhuacunchic.

HECHOS 21:38

¿Manachu canca Egipto runa cangui? Chai runami sarun punzhacunapi ñucanchic-huan piñarishpa, chuscu huaranga millai runacunata shitashca pambapi tandachirca— nirca.

HECHOS 20:34

Chaipac randica ñucamanpish, ñucahuan puriccunamanpish ima illashcata charingapacca, ñuca maquihuanmi trabajarcani. Chaitaca cancunallatac yachanguichicmi.

HECHOS 19:32

Chai ucupi caccunaca imapac tandanacushcatapish mana yacharcachu. Chaimantami shuccunaca caita, shuccunaca chaita nishpa caparicurca.

HECHOS 17:8

Chaita uyashpami, tucui chaipi caccunapish mandaccunapish yallita piñarirca.

HECHOS 16:9

Shuc tutami Pabloca Macedonia llacta shuc runa shayacucta muscuipi shina ricurca. Chai runaca: «Cai Macedonia llactata ayudaiyari» nishpami mañacurca.

HECHOS 13:5

Salamina puebloman chayashpaca, israelcuna tandanacuna huasicunapimi Diosmanta alli huillaita huillarcacuna. Marcos nishca Juanmi paicunata ayudashpa purirca.

HECHOS 16:12

Chaimantaca Macedonia llacta jatun Filipos pueblomanmi rircanchic. Chai pueblopica, Roma llactamanta shamushcacunami causacushca carca. Chai pueblopimi asha punzhacunata carcanchic.

HECHOS 19:21

Chai quipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantami: «Roma pueblomanpish rinami cani» nicurca.

3 JUAN 1:1

Criccunata pushac ñucami, tucui shunguhuan cuyashca Gayoman cai quillcata quillcani.