Biblia Todo Logo
Bib sou entènèt

- Piblisite -




HECHOS 19:26 - Dios Rimashcata Quillcashcami

26 Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

Gade chapit la Kopi

Nuevo Testamento en Quichua Cañar 1996

26 Shinallatac chai Pablo ima shina nishpa puricuctaca cancunallatac ricunguichicmi, uyanguichicmi. Paica ruhuashcalla dioscunataca ‘mana dioscuna’ ninmi. Chashna nishpaca, mana cai Efeso pueblollapichu, ashtahuanpish tucui Asia llactapimari achcacunata crichishca.

Gade chapit la Kopi




HECHOS 19:26
23 Referans Kwoze  

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.


Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.


Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.


Chashnami Pabloca chai Asia llactapica ishcai huatata causarca. Chaipi Apunchic Jesusmanta alli huillaita huillacpica, tucui israelcunapish, mana israelcunapish uyarcacunami.


yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.


Chai llactacunapimi gentecuna caspimanta, rumimanta ruhuashca, mana ricuc, mana uyac, mana mutquic, mana micuc yanga dioscunata servinguichic.


Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.


Cancunaca Diosta ñaupaman mana ricsishcamantami, manapish dioscunata cazushpa serviccuna carcanguichic.


Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.


Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.


Efeso puebloman chayashpaca, Pabloca Aquilamanta, Priscilamanta raquirishpami, tandanacuna huasiman yaicushpa, israelcunahuan rimanacurca.


Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.


Corinto pueblopi Apolos cacpimi, Pabloca urcu urcuta rishpa, Efeso puebloman chayarca. Chaipi tauca criccunahuan


Chaimantami paita ayudaccunatapish, shuctac runacunatapish tandachishpaca: —Huauquicuna, cai ñucanchic yachashcata ruhuashpallami charicyanchic. Chaitaca cancunallatac yachanguichicmi.


Swiv nou:

Piblisite


Piblisite