HECHOS 19:23 - Dios Rimashcata Quillcashcami

²³ Chai punzhacunami Efeso pueblopi Jesusta catinamanta huillashcamanta piña jatarircacuna.

Nuevo Testamento en Quichua Cañar 1996

²³ Chai punzhacunallatacmi Efeso pueblopi Jesusta c'atinamanta huillacpi, mana uyashun nishpa p'iña jatarircacuna.

HECHOS 19:23 Referans Kwoze

HECHOS 24:22

Mandac Felixca Jesusta criccunamanta allimi yacharca. Chaimantami chashna nicta uyashpaca: —Huaranga soldadocunata mandac Lisias shamucpimi, caimanta ashtahuan yachashpa, imatapish nisha— nishpami saquirca.

HECHOS 19:9

Maijancunaca rumi shungu tucushpa, crinata mana munashpami tucuipac ñaupapi “Jesusta crinaca mana allichu” nishpa rimarcacuna. Chaimantami Pabloca tucui criccunata Tirano runa yachachina huasiman pushashpa, punzhanta yachachirca.

HECHOS 9:2

Chaica, Damasco pueblo tandanacuna huasicunapi yaicushpa, Jesusta catic caricunatapish, huarmicunatapish Jerusalenman prezu apamungapacmi quillcata mañangapac rirca.

2 CORINTIOS 6:9

Mana ricsishcacunachu nicucpipish alli ricsishcacunami canchic. Ña huañucushpapish causacunchicracmi. Macashpapish, mana huañuchincunachu.

HECHOS 24:14

Caillatami canman huillagrini: Ñucaca Jesusta catic, ñaupa taitacuna shinallatac Diosta mañacmi cani. Moisés mandashcacunapi quillcachishcatapish, Dios ima nishcata huillaccuna quillcachishcatapish tucuitami crini. Chaitami paicunaca: “Mana allita caticcunapurami” nincuna.

HECHOS 22:4

Ñucapish ñaupaca Jesusta caticcunata huañuchisha nishpami, huarmicunatapish, caricunatapish japishpa, carcelman apac carcani.

HECHOS 18:26

Apolosca israelcuna tandanacuna huasipimi mana manchashpa huillai callarirca. Chaimantami Priscilapish, Aquilapish paillata cayashpa, Dios ima shina causachun nishcata ashtahuan alli yachachirca.

2 CORINTIOS 6:5

Chashnami macashca, carcelpi churashca, tandanacushpa camishca, sinchi ruhuaihuan, mana sueñushca, shinallatac yarcaihuanpish carcanchic.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.