HECHOS 18:7 - Dios Rimashcata Quillcashcami

⁷ Chai tandanacuna huasimanta llucshishpaca, Diosta alli cazuc Justopac huasimanmi rirca. Chai huasica tandanacuna huasi ladopimi carca.

Nuevo Testamento en Quichua Cañar 1996

⁷ Chai tandanacuna huasimanta llucshishpaca, Taita Diosta alli cazuc Justo runapac huasimanmi rirca. Chai runapac huasica tandanacuna huasi cuchullapimi carca.

HECHOS 18:7 Referans Kwoze

HECHOS 16:14

Chaipica, Tiatira pueblomanta Lidia huarmimi ñucanchic huillashcata uyacushca carca. Chai huarmica morado sumac lienzota catucmi carca, shinallatac Diosta yuyaricmi carca. Chai huarmimanmi Apunchic Jesusca Pablo huillashcata tucui shunguhuan uyachun, yuyaita curca.

COLOSENSES 4:11

Shinallatac Justo nishca Jesuspish “allilla cashca cachun” nishpami cachan. Israelcunapuramanta criccunaca paicunallami, Dios mandacucmanta ñucahuan pacta imatapish ruhuashpa, cushichiccuna can.

HECHOS 17:4

Chaimantami tauca israelcuna crishpa Pablohuan, Silas-huan tandanacurca. Diosta yuyaric mana Israel runacunapish, alli nishca huarmicunapish achcami crirca.

HECHOS 13:42

Pablohuan, Bernabehuan tandanacuna huasimanta llucshicucpica, mana israelcunaca samana punzhapish caillamantatac yachachichunmi mañarcacuna.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

HECHOS 13:43

Tucui chaipi caccuna llucshicpica, tauca israelcunapish, israelcuna yachachishcata caticcunapish Pablota, Bernabetami caticurcacuna. Chai caticcunataca Diosta tucui shunguhuan alli catichun, Dios cuyacushcatapish ama cungarichunmi cunashpa saquirca.

HECHOS 13:50

Ashtahuanpish israelcunaca chai runacunata catishpa cachashunmi, gentecunapac alli nishca, Diosta yuyaric huarmicunatapish, chai pueblota mandaccunatapish cunarca. Chaimantami Pablotapish, Bernabetapish llaquichishpa, chai llactamanta llucchishpa cacharcacuna.