HECHOS 18:23 - Dios Rimashcata Quillcashcami

²³ Chai pueblopi asha punzhacunata cashpaca, Galacia llactata, Frigia llactata rishpami, chaipi criccunata cunashpa cushichirca.

Nuevo Testamento en Quichua Cañar 1996

²³ Chai pueblopi asha punzhacunata cashca q'uipaca, Galacia llactata, Frigia llactata rishpami, chaipi causac tucui criccunata: “Alli c'atinguichic” nishpa, yuyaita curca.

HECHOS 18:23 Referans Kwoze

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

HECHOS 16:6

Pablo, paihuan puriccunahuan Asia llactapi alli huillaita huillagricucpimi, Diospac Espirituca jarcarca. Chaimantami Frigia llactata, Galacia llactata rirca.

HECHOS 15:41

Chashnami Siria llacta, Cilicia llacta tandanacushca criccunata yuyaita cushpa, cushichishpa rircacuna.

HECHOS 15:32

Judaspish, Silaspish Dios ima nishcata huillaccuna cashpami, chai criccunataca tauca cutin alli cunashpa yachachirca. Chashna yachachicpimi, criccunaca cushicushpa, ashtahuan catina yuyaita japirca.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

GÁLATAS 4:14

Ñuca ungushca cashcamanta mana chasquipac cacpipish, mana millarcanguichicchu, mana piñarcanguichicchu. Chaipac randica Diospac angelta shina, shinallatac Cristo Jesusta chasquic shinami ñucataca chasquircanguichic.

1 CORINTIOS 16:1

Criccunata ayudangapac ofrendata tandachishpaca, Galacia llacta criccunata yachachishca shina tandanguichic.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

1 TESALONICENSES 3:2

ñucanchic huauqui Timoteota cancunapacman cacharcanchic. Paica Diosta servic, ñucanchic-huan Jesucristomanta alli huillaita huillacmi. Paimi cancunata cunashpa crina yuyaita cunga.

GÁLATAS 1:2

Tucui caipi cac criccunahuan tucushpami, Galacia llactapi causac tandanacushca criccunataca:

HECHOS 16:40

Ña carcelmanta llucshishpaca, Lidia huarmipac huasimanmi rircacuna. Chai huasipi tandanacushca criccunata “alli catinguichic” nishpaca, chai pueblomanta rircacunami.

SAN LUCAS 22:43

Chashna mañacucpimi, jahua pachamanta ángel shamushpa sinchiyachirca.

SAN LUCAS 22:32

Chashna cacpipish, can sinchi cric cachunmi ñucaca Diosta mañarcani. Can ñucaman cutirishpaca, ñucata caticcunamanpish ñucata catichun alli yuyaita cungui— nirca.

DANIEL 11:1

Media llactamanta Darío mandai callari huatami ñucaca Miguelta ayudarcani.

ESDRAS 1:6

Cuchullapi causaccunapish cullquimanta, curimanta ruhuashca imallacunatapish, imalla charishcacunatapish, animalcunatapish, sumac charishcacunatapish, shinallatac quiquin munaihuan cuna ofrendacunatapish cushpami ayudarca.

DEUTERONOMIO 3:28

Ashtahuanpish Josueta cushichishpa sinchiyachishpa cachai. Paimi israelcunapac ñaupata rishpa, can ricugricuc llactata cunga” nirca.

SAN LUCAS 1:3

Alli nishca Teofilolla, ñucapish tucui chaicunata callarimanta alli tapushpa, yachac chayashpami, canman sumacta quillcashpa yachanata yuyacurcani.

HECHOS 2:10

Frigia llactamanta, Panfilia llactamanta, Egipto llactamanta, Africa, Cirene pueblo cuchulla llactacunamantami canchic. Roma llactapi causac israelcunapish, Israel aillucunapishmi canchic. Maijancunaca israelcuna yachachishcata caticcunallami canchic.

HECHOS 19:1

Corinto pueblopi Apolos cacpimi, Pabloca urcu urcuta rishpa, Efeso puebloman chayarca. Chaipi tauca criccunahuan

GÁLATAS 1:9

Ñaupaman nishca shinallatacmi cutin nini: ¡Maijanpish quishpirinamanta huillashpa, cancuna ña uyashcamanta shuctaclayaman huillactaca Dios llaquichishca cachun!