HECHOS 17:24 - Dios Rimashcata Quillcashcami

²⁴ Pai Diosca cai pachatapish, cai pachapi tucui ima tiyaccunatapish ruhuacmi. Paica jahua pachatapish, cai pachatapish Mandacmi. Paica mana gentecunalla ruhuashca altarpi causanchu.

Nuevo Testamento en Quichua Cañar 1996

²⁴ Pai Taita Diosca cai pachatapish, cai pachapi tucui ima tiyaccunatapish ruhuacmi. Paica jahua pachatapish, cai pachatapish Mandac cashcamanta, gentecunalla ruhuashca adorana huasicunapica mana causanchu.

HECHOS 17:24 Referans Kwoze

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

DEUTERONOMIO 10:14

Riquichic, jahua pachapish, ashtahuan jahuaman cac pachapish, cai pachapish, chaipi tucui tiyaccunapish Mandac Diospacmi can.

HECHOS 7:48

Shina cacpipish, jahua pacha Diosca gentecuna ruhuashcalla huasicunapica mana causanchu. Dios ima nishcata huillaccuna quillcachishpaca:

ISAÍAS 66:1

Mandac Diosca: «Jahua pachaca ñuca mandashpa tiyanami. Cai pachaca ñuca chaqui sarunami. ¿Maipitac ñuca huasitaca shayachinguichic? ¿Maipitac ñuca samarinataca ruhuanguichic?

2 CRÓNICAS 6:18

Ashtahuanpish Mandac Diosca, ¿cai pachapi causaccunahuan causangachu? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. ¡Ñuca shayachishca cai huasicarin maitatac pactangayari!

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

2 CRÓNICAS 2:6

Ashtahuanpish pai causana huasitaca, ¿pitac shayachinata pudingayari? Jahua pachapi ashtahuan jahuaman cac pachapish pai causangapacca mana pactanchu. Paipac huasita shayachingapacca, ¿ñucaca imatac caniyari? Ashtahuanpish inciensota paipac ñaupapi rupachingapacllami shayachisha nini.

SALMOS 115:16

Jahuamanta ashtahuan jahua pachapish Mandac Diospacmi. Ashtahuanpish cai pachataca paillatacmi huañuclla gentecunaman cushca.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

HECHOS 4:24

Chashna parlacpi, tucui criccuna shuc yuyailla Diosta mañashpaca: «Mandac Dioslla, canmi jahua pachatapish, cai pachatapish, mama cuchatapish, chaicunapi tucui ima tiyactapish ruhuarcangui.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

SAN LUCAS 10:21

Chai ratollatacmi, Jesusca Diospac Espíritu cushichicpi, yallita cushicushpaca: «Jahua pachatapish, cai pachatapish Mandac ñuca Taitalla, cantaca alli ninimi. Canca cai yachanacunataca alli yuyaiyuc, alli yachaccunamanta pacashpami, huahuacuna shinaman ricuchishcangui. Ari, Taitito, chaitami ruhuasha nishcangui.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

HEBREOS 3:4

Tucui huasicunami maijan ruhuashca can, shina cacpipish, tucuita ruhuacca Diosmi.

SAN MATEO 5:34

Ashtahuanpish ñucaca cashnami nini: Diospac shutipica shinachari jahua pacha Dios mandashpa tiyarinamantapish,

ISAÍAS 40:12

¿Pitac mama cucha yacutaca maqui shunguhuan, cutin jahua pachataca dedohuan medirca? ¿Pitac cai pacha ñuto allpataca paipac quimsa dedohuan tandachirca? ¿Pitac urcucunatapish, lomacunatapish balanzapi pezashpa churarca?

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

HEBREOS 1:2

Shina cacpipish, cunan tucuri punzhacunapica, paipac Churitami huillachishca. Diosca Paillahuantacmi cai pachataca ruhuarca. Paillamantacmi tucui ima tiyashcataca cushca.

SAN JUAN 1:1

Callarillapitacmi, Rimashca Shimica ña tiyarca. Rimashca Shimica Dios-huanmi carca. Shinallatac Rimashca Shimica Diosllatacmi carca.

ISAÍAS 40:28

Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

SALMOS 146:5

Jacobopac Dios ayudashca causaccuna cushicuichic. Mandac Diospi shunguta churashpa causaccuna cushicuichic.

GÉNESIS 14:19

llucchishpaca: «Jahua pachata, cai pachata ruhuac Dios canta bendiciachun.

GÉNESIS 14:22

Shina nicpimi, Abram Sodoma pueblota jatun mandactaca: —Can: “Ñucami cantaca chayucyachini” ama nichunmi, jahua pachatapish, cai pachatapish ruhuac Mandac Diosman

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

MALAQUÍAS 2:10

¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?

ROMANOS 1:19

Diosmanta yachanataca tucuimi yachancuna. Chaitaca Diosllatacmi ricsichirca.