HECHOS 17:23 - Dios Rimashcata Quillcashcami

²³ Cai pueblopi puricushpaca, cancunapac dioscunata yuyarina huasicunatami ricurcani. Shinallatac shuc altarpica: “Mana Ricsishca Diospac altarmi” nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi huillacuni.

Nuevo Testamento en Quichua Cañar 1996

²³ Ñuca cai pueblopi puricushpaca, cancunapac dioscunata yuyarina huasicunatami ricurcani. Shinallatac pircashca shuc altarpica: ‘Mana Ricsishca Diosta yuyarinami’ nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi cancunamanca huillacuni.

HECHOS 17:23 Referans Kwoze

SAN JUAN 4:22

Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

SAN JUAN 17:25

Cashcata ruhuac Taitalla, cai pachapac causaccuna canta mana ricsicpipish, ñucaca ricsinimi. Can ñucaman cushcacunapish, can ñucata cachashcata yachanmi.

1 CORINTIOS 1:21

Diosca, cai pachapi causaccuna paicuna yachashcahuan paita ricsichunca mana saquinchu. Alli huillai paicunaman pucllashca shina cacpipish, Diosca maijanpish paita criccunatami cuyashpa quishpichisha nicun.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

1 CORINTIOS 8:5

Shuccunaca: “Jahua pachapipish, cai pachapipish dioscunaca tiyanmi” nincunami. Chai shina “achca mandaccunami, achca dioscunami tiyan” nicucpipish,

SAN JUAN 8:54

Shina nicpimi, Jesusca: —Ñucallata “allimi cani” nirishpaca, chaica yangami canman. Ñucata alli nicca, ñuca Taitami. Paillatatacmi cancunaca “ñucanchic Dios” ninguichic.

SAN MATEO 15:9

Yangallami ñucata alli nincuna. Paicuna yachachishpapish, runacuna mandashcallatami yachachincuna” nishcami— nirca.

SALMOS 147:20

Shuctac llactacunahuanca mana chashna ruhuarcachu. Pai yachachishcacunataca mana ricsincunachu. ¡Mandac Diosta alabaichicyari!

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

ISAÍAS 45:4

Ñucata servic Jacobotapish, ñuca acllashca israelcunatapish cuyashcamantami cantaca shutipi cayarcani. Ñucata can mana ricsicpipish, cantaca tucui mashna ricsishca cachunmi churarcani.