HECHOS 17:11 - Dios Rimashcata Quillcashcami

¹¹ Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

Nuevo Testamento en Quichua Cañar 1996

¹¹ Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata alli uyashpami, chashna cashcata, mana chashna cashcata yachangapac, Dios quillcachishcataca punzhanta alli ricurcacuna.

HECHOS 17:11 Referans Kwoze

ISAÍAS 34:16

Mandac Dios rimashpami, paipac Espirituhuan tandachirca. Chaimanta Mandac Diospac librota mashcashpa rezaichic. Cai animalcunamantaca imapish mana illanchu. Tucui animalcunami cari, huarmi canga.

SAN JUAN 5:39

Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

SAN MATEO 13:23

Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

PROVERBIOS 1:5

Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

1 TESALONICENSES 1:6

Cancuna llaquihuan cashpapish, Diospac espíritu cushichicpi, cushilla caticushpaca, ñucanchic catic shinallatacmi Apunchic Jesusta caticunguichic.

SAN JUAN 3:21

Cashcata ruhuashpa causaccunaca, Diosllatac ruhuachicushcata yachachunmi, achicman cuchuyancunalla— nirca.

2 TESALONICENSES 2:10

Jatun llaquiman ricuccunataca tucuilaya mana allita ruhuashpami, umashpa crichinga. Paicuna quishpiringapac cashcata nic huillashcata piñashpa, mana chasquishcamantami chashnaca tucunga.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.

SAN LUCAS 24:44

Micushca quipaca, Jesusca: —Ñucaca cancunahuan cashparacmi, Moisés mandashcacunapipish, Dios ima nishcata huillaccuna quillcashcacunapipish, Salmocunapipish ñucamanta huillashcacuna pactachunmi, chashnaca tucurca— nishpa huillarca.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

PROVERBIOS 8:10

Cullquipac randica, ñuca yachachishcata chasquichic. Alli curipac randica, alli yachanata mashcaichic.

SANTIAGO 1:21

Chashna cashcamanta tucui mapamanta, shinallatac tucui mana allicunamanta anchurishpa, cancunapac shungupi tarpushca alli huillaitaca cuyac shunguhuan chasquichic. Chai alli huillaimi cancunataca quishpichinata pudin.

SALMOS 119:148

Can mandashcacunata yuyaringapacmi, tutacunapish mana riccharina horaspi riccharircani.

SALMOS 119:100

Can mandashcacunata cazushcamantami yuyaccunatapish atishpa entendini.

SALMOS 119:97

¡Can mandashcacunataca yallitami cuyani! Punzhantami chai yuyailla cani.

HECHOS 10:33

Chaimantami canta pushamuchun cacharcani. Allitami shamushcangui. Cunanca tucuimi Diospac ñaupapi canchic. Pai tucui imata ñucanchicman huillachun nishcataca huillailla. Ñucanchicca uyashun ninchicmi— nirca.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

JOB 23:12

Paipac shimihuan mandashcamantaca mana anchurircanichu. Paipac rimashca shimicunataca micunata yallimi huacaichishpa causarcani.

HECHOS 17:1

Pablohuan Silas-huan rishpaca, Anfípolis pueblota, Apolonia pueblota pasashpami, Tesalónica puebloman chayarca. Chaipimi israelcuna tandanacuna huasi tiyarca.

HECHOS 11:1

Dios rimashcata mana israelcunapish chasquishcatami, apostolcunapish, Judea llacta criccunapish yachac chayarca.

SAN LUCAS 16:29

Chashna nicpimi Abrahamca: “¡Moisés mandashcacunatapish, Dios ima nishcata huillaccuna quillcashcacunatapish charincunami! ¡Chaicunata uyashpa, cazuchun!” nirca.

JEREMÍAS 2:21

Ñucaca cantaca alli acllashca uvas muyuta shinami tarpurcani. ¿Ima nishpatac sacha uvas shina tucurcangui?

DEUTERONOMIO 29:29

Imapish pacallacunaca ñucanchic Mandac Diospacmi. Ashtahuanpish cai ricuchishcacunaca ñucanchicpacpish, ñucanchic huahua huahuacunapacpishmi can. Cai mandashcacunapi tucui nishcacunatami huiñaita pactachina canchic.

SAN LUCAS 1:2

Callarimanta chaicunata quiquin ñahuihuan ricuccunami huillarca. Paicunaca Diospac shimita huillaccunami carca.

SAN LUCAS 11:3

Ñucanchic punzhanta micuna tandataca, cunan punzhapish carai.