HECHOS 16:34 - Dios Rimashcata Quillcashcami

³⁴ Ña bautizarishpaca, paipac huasiman pushashpami, micunata cararca. Paipac tucui familiacunandimi Diosta crishcamanta yallita cushicurca.

Nuevo Testamento en Quichua Cañar 1996

³⁴ Ña bautizarishpaca, paipac huasiman pushashpa rishpami, micunata cararca. Paica paipac tucui familiacunandic Taita Diosta crishcamantami, munai cushicurcacuna.

HECHOS 16:34 Referans Kwoze

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

FILEMÓN 1:7

Cuyashca huauqui, cambac cuyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

ROMANOS 5:11

Shinallatac Apunchic Jesucristomanta Dios-huan alli tucushcamantapishmi Diosmanta yallita cushicunchic.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

1 JUAN 3:18

Ñuca cuyashca huahuacuna, ama shimillahuan “cuyanimi” nishunchic, ashtahuanpish imatapish ruhuashpatac cuyashcata ricuchishun.

FILIPENSES 4:17

Cancuna ima cushcata chasquinallataca mana yuyanichu, ashtahuanpish cancuna carashcamantaca Diospac ñaupapi ashtahuan charichunmi munani.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.

ROMANOS 5:2

Shinallatac Apunchic Jesucristota crishcallamantami Dios cuyashca, cushilla causacunchic. Shinami Diospac sumaimana mandanata cushicushpa shuyacunchic.

HECHOS 11:14

Paimi canpish, cambac huasi familiacunapish ima shina quishpirina cashcataca huillanga” nishca carca.

HECHOS 8:39

Yacumanta llucshicpica, Diospac Espiritumi Felipeta aparca. Chaimantami eunuco runaca Felipetaca mana ricurca. Chashna cacpipish, cushicushpami rirca.

SAN LUCAS 19:6

Chaimantami Zaqueoca utca uricushpa, cushilla Jesusta paipac huasiman pushashpa rirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN LUCAS 5:29

Leví Jesus-huan rishpaca, paipac huasipimi jatun micuita ruhuarca. Chaipimi impuestota japic tauca runacunapish, yallita juchayuc nishca runacunapish micucurca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

HECHOS 16:15

Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

HECHOS 16:35

Cayandi tutamanta, mandaccunaca: “Chai runacunataca cacharishpa cachailla” nishpami soldadocunata carcelta cuidacpacman cacharca.