HECHOS 16:17 - Dios Rimashcata Quillcashcami

¹⁷ Chai huambra Pablotapish, ñucanchictapish catishpaca: —¡Cai runacunaca jahua pacha Diosta serviccunami! Paicunaca ima shina quishpirinatami huillancuna— nishpami caparicurca.

Nuevo Testamento en Quichua Cañar 1996

¹⁷ Chai huambrami Pablotapish, ñucanchictapish: —¡Cai runacunaca jahua pachapi causac Taita Diospacta ruhuaccuna cashpami, ima shina juchamanta quishpirina cashcata huillancuna!— nishpa, caparishpa c'aticuclla carca.

HECHOS 16:17 Referans Kwoze

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

1 PEDRO 2:16

Huatashcamanta cacharichishca shina caichic. Shina cashpapish chaipi achacarishpalla ama ima millaitapish ruhuaichicchu. Chaipac randica Diospacta ruhuaccuna shina causaichic.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 3:26

Chaimanta Nabucodonosorca chai rupacuc horno pungu cuchuman cuchuyashpaca: —¡Jahua pacha Diosta servic Sadrac, Misac, Abed-nego, chaimanta llucshishpa shamuichic!— nirca. Shina nicpimi, Sadracpish, Misacpish, Abed-negopish chai nina chaupimanta llucshirca.

SAN LUCAS 4:41

Achca runacunamantami supaicunaca llucshirca. Chai supaicuna llucshishpaca: —¡Canca Diospac Churimi cangui!— nishpami caparirca. Chaimantami Jesusca: —¡Upallaichic!— nirca. Cristo cashcata yachashcamantami, supaicunataca mana imata rimachun saquirca.

SAN LUCAS 4:34

caparishpaca: —Nazaret pueblomanta Jesús, ¿canca imatatac ñucanchictaca nic shamungui? ¿Llaquichingapacchu shamungui? ¡Ñucanchictaca saquilla! Ñucaca canta ricsinimi. Canca Dios cachashca Jucha Illacmi cangui— nirca.

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

JONÁS 1:9

Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.

SALMOS 57:2

Jahua pachapi causac Diosllatami mañasha. Paica imatapish ayudanmi.

HECHOS 19:13

Rimarishpalla supaicunata llucchic maijan israelcunapish Apunchic Jesuspac shutita rimashpa, supaicunata llucchinatami yuyarcacuna. Chaimantami supaicunataca: «Pablo huillacuc Jesuspac shutipimi llucshi nini» nirca.

HECHOS 18:26

Apolosca israelcuna tandanacuna huasipimi mana manchashpa huillai callarirca. Chaimantami Priscilapish, Aquilapish paillata cayashpa, Dios ima shina causachun nishcata ashtahuan alli yachachirca.

SAN LUCAS 20:21

Paicuna Jesustaca: —Yachachic, canca mana ñahuita ricushpalla, yachachicmi cangui. Gentecuna Dios munashca shina causachunmi, mana llullashpa yachachicungui.

SAN LUCAS 1:77

Pai acllashcacunapac juchacunata perdonashca cachunmi, quishpirinamanta yachachingui.

MARCOS 12:14

Chai runacuna Jesuspacman chayashpaca: —Yachachic, canca imatapish cashcallatami yachachingui. Dios munashca shina, alli causachunmi alli yachachingui. Canca pitapish mana manchashpa, mana piman tucushpami yachachingui. Mandashcapi nishca shinaca, ¿jatun mandac Cesarman impuestota paganachu canga? Mana cashpaca, ¿manachu pagana canga? ¿Pagashunchu, manachu pagashun?— nircacuna.

MARCOS 1:24

—Nazaret pueblomanta Jesús, ¿ñucanchictaca imatatac ruhuagringuiyari? ¿Canca llaquichingapacchu shamungui? Canca Dios cachashca Jucha Illacmi cangui. Canta ricsinimi— nirca.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

MIQUEAS 6:6

Mandac Diospac ñaupapica, ¿imahuantac ricurigrishayari? Jahua pacha Mandac Diostaca, ¿ima shinatac cumurishpa mañashayari? ¿Animalta huañuchishpa tucui rupachishpachu cuchuyasha? ¿Shuc huatayuc becita cushpachu cuchuyasha?

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

DANIEL 4:2

Jahua pacha Dios ñucaman milagrocunata, pi mana ruhuaipacta ruhuashpa ricuchishcata cancunaman huillana alli cacpimi huillani.

SALMOS 78:35

Chashnami Diosca paicunapac jarcarina jatun rumi cashcata, jahua pachapi causac Diosca quishpichic cashcata yuyarircacuna.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

2 PEDRO 2:2

Taucacunami paicuna mana alli causacuc shinallatac causangacuna. Chaimantami cashcata nic huillashcata catinatapish mana allichu nishpa rimangacuna.