HECHOS 16:15 - Dios Rimashcata Quillcashcami

¹⁵ Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

Nuevo Testamento en Quichua Cañar 1996

¹⁵ Chaimantami paipac tucui familiandic bautizarishpa: —Apunchic Jesusta ñuca ña cric cashcata yachanguichicmi. Cunanca jacuchic, ñuca huasipi samaringuichic— nirca. Chashna nishpami, ñucanchictaca saquichirca.

HECHOS 16:15 Referans Kwoze

HECHOS 11:14

Paimi canpish, cambac huasi familiacunapish ima shina quishpirina cashcataca huillanga” nishca carca.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

HECHOS 16:33

Chai tutallatacmi carcelta cuidacca paicunapac chugricunata jahuachirca. Quipaca, paipac tucui familiacunandimi bautizarirca.

SAN LUCAS 24:29

Chaimantami paicunaca mana cachashun nishpa: —Ñami chishi, shinallatac tutayacun. Caillapi ñucanchic-huan saquiri— nirca. Chaimantami Jesusca paicunahuan saquirishpa, samaringapac yaicurca.

GÉNESIS 19:3

Shina mana yaicusha nicpipish, Lot shamuichic nicurcallami. Shina nicucllapimi angelcunaca huasiman yaicurca. Lotca sumac micunata ruhuashpami, levadura illac tandatapish cararca. Shinami micurca.

3 JUAN 1:8

Chaimantami ñucanchic criccunaca paicunata imallahuan ayudashpa, cashcata nic alli huillaita huillanata ayudana canchic.

3 JUAN 1:5

Cuyashca Gayo, criccunaman shinallatac shuctac llactamanta shamuccunaman imata ruhuacushpaca allitami ruhuacungui.

1 PEDRO 5:12

Huauqui Silvanohuan tucushpami, ñucaca cai asha quillcata quillcashpa cachani. Paitaca allita pactachic cric cashcatami yuyani. Caita quillcashpaca, cancuna allicunata chasquishcaca Dios mai cuyashpa cushcatatac yachachunmi, cunashpa cachani. Chai cuyaimantaca amatac anchuringuichicchu.

FILEMÓN 1:17

Jesusta crishcamanta shuclla cashcamantaca ñucata chasquic shinallatac, paitaca chasquingui.

FILIPENSES 1:7

Shungupi cancunata charicushcamanta ñuca cashna yuyanaca allillatami. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Dios cushcamantami, ñuca shina alli huillaita huillacunguichic.

EFESIOS 1:1

Ñucaca Dios munashcamanta Jesús acllashca apóstol Pablomi cani. Efeso pueblopi Cristo Jesusta crishpa Diospaclla caccunamanmi,

GÁLATAS 6:10

Chaimanta imata ruhuanalla cacpica, tucuiman allita ruhuashpa catishunlla. Tucuimanta yallica criccunaman allita ruhuashun.

2 CORINTIOS 12:11

Ñuca jatun tucushpaca, yuyai illac shinami cancunamantaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 5:14

Cristo tucuimanta huañushcata yachashcamanta pachami, paipac cuyaica ñucanchicman yuyaita cun. Cristo huañushcamantami tucui mashna huañushca shina canchic.

ROMANOS 16:23

Shinallatac ñucatapish, tandanacushca criccunatapish pozachic Gayopish saludanmi. Cai pueblopac cullquita japic Erastopish, Jesusmanta huauqui Cuartopish saludanmi.

2 JUAN 1:10

Maijanpish cancunapacman shamucpi Cristo yachachishca shina mana yachachictaca, ama chasquinguichicchu. Shinallatac «alli shamushcami cangui» ninallatapish, ama ninguichicchu.

HECHOS 18:8

Tandanacuna huasipi mandac Crispopish, paipac tucui familiandimi Apunchic Jesusta crirca. Corinto pueblo gentecunapish, taucacunami alli huillaita uyashpa, crishpa bautizarirca.

HECHOS 8:38

Chashna nishpami, carretata chaillapi shayachishpa, ishcaita yacuman yaicurca. Chaipimi Felipeca eunuco runata bautizarca.

HECHOS 8:12

Chashna cacpipish, Jesucristomanta, Dios mandacucmanta Felipe huillacpica, caricunapish, huarmicunapish crishpami bautizarirca.

SAN LUCAS 14:23

Chashna nicpimi amoca: “Shinashpaca mai callecunamantapish, ñancunamantapish pushamushpa, ñuca huasipi jundachi.

SAN MATEO 10:41

Maijanpish Dios ima nishcata huillacta chasquicca, Dios ima nishcata huillac japinatami japinga. Cashcata ruhuacta chasquicca, cashcata ruhuac japinatami japinga.

2 REYES 4:8

Shuc punzhami Eliseoca Sunem pueblota pasacurca. Chai pueblopimi shuc chayuc sunamita huarmi causarca. Chai huarmimi Eliseotaca paipac huasipi micugrichun nishpa jaculla nirca. Eliseo chai pueblota pasacushpaca, chai huarmipac huasipimi micuc carca.

1 SAMUEL 28:23

Shina nicpipish Saulca: —Mana micusha ninichu— nirca. Ashtahuanpish, paita serviccunapish, chai huarmipish micuchun nicucllapitacmi micurca. Ña micushca quipaca, pambamanta jatarishpami camapi tiyarirca.

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

HECHOS 16:31

Chashna tapucpimi paicunaca: —Apunchic Jesucristota cri. Canpish, cambac tucui familiapish quishpiringuichicmi— nirca.

HECHOS 16:34

Ña bautizarishpaca, paipac huasiman pushashpami, micunata cararca. Paipac tucui familiacunandimi Diosta crishcamanta yallita cushicurca.