HECHOS 15:9 - Dios Rimashcata Quillcashcami

⁹ Paicuna cricpica, paicunapac shungumantapish juchacunata anchuchircami. Chaimantami ñucanchicpish, paicunapish chashnallatac canchic.

Nuevo Testamento en Quichua Cañar 1996

⁹ Paicuna crishcallamantami shungumanta juchacunata anchuchishpa ñucanchicpish, paicunapish chashnallatac cashcata ricuchirca.

HECHOS 15:9 Referans Kwoze

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamantami mana israelcunapish, israelcunahuan pacta japina cashcata japingacuna. Paicunapish shuc cuerpo shina cashcamantami, Jesucristomanta Dios cusha nishcataca chasquingacuna.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

HECHOS 11:12

Chashna paicuna shamucpica, Diospac Espiritumi mana caita chaita yuyashpa, paicunahuan richun nirca. Caishuc sucta criccunapish ñucahuanmi rirca. Chashna rishpami, chai runapac huasiman yaicurcanchic.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

HECHOS 10:34

Chaimantami Pedro huillai callarishpaca: —Cunanmi allita entendini. Chaica, Diosmanca, tucuimi chai shinallatac canchic.

1 CORINTIOS 7:18

Maijanpish Dios cayacpica, circuncisionta ruhuashca cashpapish, circuncisionta ama pacachun. Cutin mana circuncisionta ruhuashca cashpapish, Dios cayacpica, ama circuncisionta ruhuachun.

ROMANOS 9:24

Diosca ñucanchictaca israelcunapuramantapish, mana israelcunapuramantapishmi acllarca.

ROMANOS 3:9

Chashna cacpica, ¿ñucanchic israelcunaca mana israelcunata atishpa allichu canchic? ¡Mana chashnachu! Ña nishca shina, israelcunapish, mana israelcunapish tucui mashna juchapi huatashca shinami canchic.

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

HECHOS 14:1

Iconio pueblopimi Pabloca Bernabehuan israelcuna tandanacuna huasiman yaicushpa, alli huillaita huillarca. Chashna huillacpimi, israelcunapish, mana israelcunapish achcacuna Jesusta crircacuna.

HECHOS 10:15

Shina nicpi, cutin rimashca uyarishpaca: —Dios chuyayachishcataca, ama mapami nichu— nirca.

SALMOS 51:10

Ñuca Dioslla, ñucataca chuya shunguta ruhuaiyari. Allita ruhuac Espirituta ñucapica cutin churaiyari.

EZEQUIEL 47:22

Cai allpataca cancunamanpish, cancunahuan causac caru llacta gentecunamanpish, cancunapurapi charishca churicunamanpish, israelcunamanpish suerteta ruhuashpa cunguichic. Israel llactapi huacharishca huahuacunataca cancunapura cashca shinata yuyanguichic. Israel aillucunamanpish suerteta ruhuashpa cunguichic.