HECHOS 15:6 - Dios Rimashcata Quillcashcami

⁶ Chaimantami apostolcunapish, pushac yuyaccunapish allita yuyarinacungapac tandanacurca.

Nuevo Testamento en Quichua Cañar 1996

⁶ Chaita uyashpami, Jesús acllashca huillaccunapish, criccunata pushaccunapish chashna nishcataca alli yuyarinacungapac tandanacurcacuna.

HECHOS 15:6 Referans Kwoze

PROVERBIOS 15:22

Mana tapunacushpa imata ruhuashcaca, chingarinmi. Ashtahuanpish taucacuna yuyaita cushcaca allimi ruhuarin.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

HEBREOS 13:7

Diospac shimita huillashpa, cancunata pushaccunata yuyarichic. Paicuna causashcata ricushpa, paicuna shina crishpa causaichic.

HECHOS 15:25

Chaimantami ñucanchic tucui mashna alli yuyarishpa, ñucanchicpurallamantatac cai huauquicunata cancunapacman cachanata yuyarircanchic. Paicunatami ñucanchic cuyashca Bernabehuan, Pablohuan cachanchic.

HECHOS 21:18

Chai cayandi punzhaca Pabloca ñucanchic-huanmi Jacobota ricungapac rirca. Chai huasipica pushac yuyaccunami tandanacushca cashca carca.

HECHOS 15:4

Paicuna Jerusalenman chayacpica, apostolcuna, criccunata pushac yuyaccuna shinallatac tucui criccunami chasquirca. Pablopish, Bernabepish Dios paicunahuan ima shina cashcatami parlarca.

HECHOS 6:2

Chaimantami chunga ishcai apostolcuna criccunata tandachishpaca: —Diosmanta huillanata saquishpa, micunata ñucanchic raquinaca, mana allichu.

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

HECHOS 11:30

Paicuna chashna ruhuashpaca, Judea llacta criccunata pushaccunaman cuchunmi, Bernabeta, Saulota cacharca.

HECHOS 15:2

Chaimantami Pablopish, Bernabepish chai yachachic runacunahuan sinchita rimanacurca. Chaimantami criccunaca Pablotapish, Bernabetapish, maijan criccunatapish Jerusalenman rishpa, apostolcunahuan, criccunata pushaccunahuan parlashpa, allichichun cacharca.

HECHOS 15:22

Shina nishcaca apostolcunamanpish, pushac yuyaccunamanpish, tandanacushca criccunamanpish allimi carca. Chaimantami tucui criccuna cuyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarca.

HECHOS 16:4

Chashna rishpami, apostolcunapish, pushac yuyaccunapish Jerusalenpi yuyarinacushca imalla ruhuana cashcata cazuchun, tucui pueblocunapi huillashpa purirca.