HECHOS 15:40 - Dios Rimashcata Quillcashcami

⁴⁰ Pabloca Silasta acllashpami ri callarirca. Chaimantami criccunaca Dios cuyashpa alli pushachun, Diosman mingarca.

Nuevo Testamento en Quichua Cañar 1996

⁴⁰ Shinallatac Pablopish Silasta acllashpa ri callaricpica, Taita Dios mai c'uyashpa alli pushachunmi, criccunaca Taita Diosman mingarcacuna.

HECHOS 15:40 Referans Kwoze

HECHOS 15:22

Shina nishcaca apostolcunamanpish, pushac yuyaccunamanpish, tandanacushca criccunamanpish allimi carca. Chaimantami tucui criccuna cuyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarca.

HECHOS 14:26

Chai Atalia pueblomantaca barcopimi, Pabloca Bernabehuan Antioquía puebloman cutirca. Chai pueblopimi criccunaca paicunata Dios cuyashpa cuidachun nishpa cacharca.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

TITO 3:15

Tucui ñucahuan caccunami cantaca “allilla cashca cachun” nishpa cachancuna. Shinallatac ñucanchicta cuyac caishuc criccunatapish “allilla cashca cachun” nishpa cungui ninimi. Diosca paipac sumaimana cuyaita tucui cancunaman cushca cachun. Chashna cachun.

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

2 CORINTIOS 13:14

Apunchic Jesucristo sumac cuyaita cucpi, Dios cuyacpi, shinallatac Diospac Espíritu shuc shinallatac ruhuacpi, cushilla causachunmi munani.

HECHOS 20:32

Cunanca, Dios cuyashpa, pai rimashca shimicunahuan sinchiyachichunmi, cancunataca paiman mingani. Pai acllashcacuna japina cashcatapish, paillatacmi cunga.

HECHOS 15:32

Judaspish, Silaspish Dios ima nishcata huillaccuna cashpami, chai criccunataca tauca cutin alli cunashpa yachachirca. Chashna yachachicpimi, criccunaca cushicushpa, ashtahuan catina yuyaita japirca.

HECHOS 13:3

Ayunashpa mañashca quipaca, Bernabepac, Saulopac uma jahuapimi maquita churashpami cacharca.

HECHOS 16:19

Chai huambrapac amocunaca cullqui japina tucuricpimi, Pablotapish, Silastapish prezushpa, jatun plazapi cac mandaccunapacman aparca.

HECHOS 17:4

Chaimantami tauca israelcuna crishpa Pablohuan, Silas-huan tandanacurca. Diosta yuyaric mana Israel runacunapish, alli nishca huarmicunapish achcami crirca.