HECHOS 15:39 - Dios Rimashcata Quillcashcami

³⁹ Chashna rimanacushpami, chicanyarinacushpa, Bernabeca Marcosta pushashpa, barcopi Chipre llactaman rirca.

Nuevo Testamento en Quichua Cañar 1996

³⁹ Chashna rimanacushpami, caishuc chaishuc ch'icanyarinacushpa, Bernabeca Marcosta pushashpa barcopi huichicushpa, Chipre llactaman rirca.

HECHOS 15:39 Referans Kwoze

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

HECHOS 4:36

Chipre llactamanta curacunata ayudac levita Josepish, criccunahuanmi carca. Paitami apostolcunaca Bernabeta shutichirca. Bernabé nishpaca: “Cushichic runa” nisha ninmi.

ECLESIASTÉS 7:20

Cai pachapica cashcata ruhuac, allita ruhuac, jucha illac runaca shucllapish mana tiyanchu.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 6:1

Chai punzhacunapica, achca gentecunami Jesusta crishpa mirarirca. Chaimantami griego rimaita rimaccunaca hebreo rimaita rimaccunata “ñucanchic viuda huarmicunaman punzhanta imalla illashcataca mana alli chaupicunguichicchu” nishpa, rimai callarirca.

HECHOS 27:4

Sidonmanta barcopi rishpaca, huaira ñaupamanta jarcacucpimi, Chipre islata muyushpa rircanchic.

HECHOS 15:2

Chaimantami Pablopish, Bernabepish chai yachachic runacunahuan sinchita rimanacurca. Chaimantami criccunaca Pablotapish, Bernabetapish, maijan criccunatapish Jerusalenman rishpa, apostolcunahuan, criccunata pushaccunahuan parlashpa, allichichun cacharca.

SALMOS 119:96

Ima allita ruhuashcapish tucurinallami. Ashtahuanpish can mandashcacunaca mana tucurinchu.

SALMOS 106:33

Chaica yallita llaquichicpimi, Moisesca imatapish rimarircalla.

HECHOS 12:12

Chashna cashcata yuyashpami, Marcos nishca Juanpac mama Mariapac huasiman rirca. Chai huasipica achca criccunami tandanacushpa, Diosta mañacushca carca.

HECHOS 15:37

Shina nicpimi Bernabeca: —Marcos nishca Juanta pushashun— nirca.

1 PEDRO 5:13

Babilonia pueblopi tandanacushca criccunataca, cancunata shinallatacmi Diosca acllarca. Paicunapish, shinallatac ñuca huahua shina Marcospish “allilla cashca cachun” nishpami cachancuna.