HECHOS 15:35 - Dios Rimashcata Quillcashcami

³⁵ Pablopish, Bernabepish, Antioquía pueblollapitac saquirishpami, Apunchic Jesusmanta alli huillaita taucacunahuan huillarca.

Nuevo Testamento en Quichua Cañar 1996

³⁵ Shinallatac Pabloca Bernabendic chai Antioquía pueblollapitac saquirishpami, Apunchic Jesusmanta alli huillaitaca taucacunahuan huillarcacuna.

HECHOS 15:35 Referans Kwoze

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

1 TIMOTEO 2:7

Tucui caicunata mana israelcunaman crinamanta cashcata nic alli huillaita huillashpa yachachichunmi, Jesusca ñucata acllarca. Ñucaca mana llullashpami, chashnatac cashcata nini.

HECHOS 28:31

Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcata huillac carca.

HECHOS 14:28

Chaipimi paicunaca criccunahuanca unaicaman carcacuna.

HECHOS 8:4

Ashtahuanpish Jerusalenmanta miticushpa ric criccunaca maita rishpapish, quishpirinamanta alli huillaita huillashpami purirca.

HECHOS 12:25

Bernabepish, Saulopish paicuna ruhuana cashcata tucuchishpami, Jerusalenmanta Marcos nishca Juanta pushashpa, cutinllatac Antioquía puebloman cutircacuna.

HECHOS 13:12

Mandac Sergio chaita ricushpa, shinallatac Pablo Apunchic Jesusmanta yachachishcata uyashpaca, mancharishcami saquirirca. Chaimantami Jesusta crirca.

HECHOS 15:34

Shina nicpipish, Silasca saquirina yuyaita charishpami, chaipi saquirirca.