HECHOS 15:10 - Dios Rimashcata Quillcashcami

¹⁰ Cunanca, ¿ima nishpatac ñucanchicpish, ñaupa taitacunapish maita mana pactachi pudishcata, pactachichun nishpa, Diosta piñachicunguichic?

Nuevo Testamento en Quichua Cañar 1996

¹⁰ Chaimanta cunanca ñucanchic ñaupa taitacunapish, ñucanchicpish maita mana pactachipac cashcata, cunanlla criccunata chaita pactachichun nishpaca, Taita Diostami p'iñachicunguichic.

HECHOS 15:10 Referans Kwoze

GÁLATAS 5:1

Ama huatashca shina causachunmi, Cristoca ñucanchicta cacharichirca. Shina cashcamanta ama cutinllatac huatashca shina tucunata yuyaichicchu.

SAN MATEO 23:4

Paicunaca maita mana aparipac llashacta apachic shinami, imatapish ruhuachunlla nincuna. Ashtahuanpish paicunaca dedollahuanpish mana tuparinchu.

GÁLATAS 4:9

Cunanca Diosta ricsiccunami canguichic, ashtahuancarin Diosmi cancunata ricsin. ¿Shina cashca jahuachu cutinllatac imapish mana valic, yanga ruhuanacunallata cazushpa, huatashca shina causashun ninguichic?

HEBREOS 9:9

Caicunaca cunan punzhacunapi yuyaita japingapacmi. Chaica juchacunamantaca animalta Diosman cushpapish, ofrendata cushcapish quiquin yuyaipi juchayuc cashcatami yuyachin.

ISAÍAS 7:12

Shina nicpimi Acazca: —Ima ricuchinacunata ruhuachun nishpa, Mandac Diosta mana piñachisha ninichu— nirca.

HEBREOS 3:9

Chaipimi cancunapac ñaupa taitacunaca, chuscu chunga huatata ñuca ima ruhuashcata ricushpapish, cutin ricushun nishpa piñachircacuna.

SAN MATEO 4:7

Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

ÉXODO 17:2

Chaimanta israelcunaca Moisesta rimarishpaca: —¡Ñucanchicman yacuta ubiangapac cui!— nirca. Shina nicpimi Moisesca: —¿Ima nishpatac ñucahuanca piñaringuichicyari? ¿Mandac Dios ñucanchic-huan cashcata, mana cashcatachu ricusha ninguichic?— nirca.

HECHOS 5:9

Shina nicpimi Pedroca: —¿Ima nishpatac Mandac Diospac Espirituman llullanata yuyarircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.