HECHOS 13:40 - Dios Rimashcata Quillcashcami

⁴⁰ Chaimanta alli yuyarichic. Pacta Dios ima nishcata huillaccunaman huillachishca shina tucunguichicman. Paica:

Nuevo Testamento en Quichua Cañar 1996

⁴⁰ Chaimanta alli yuyarichic. Ñaupa huillaccunaman Taita Dios ima shina huillachishcaca, pacta cancuna chashna tucunguichicman. Paica cashnami nishca:

HECHOS 13:40 Referans Kwoze

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

MALAQUÍAS 3:2

Pai shamucpica, ¿pitac ricuri pudingayari? Pai ricuricpica, ¿pitac paipac ñaupapi shayari pudingayari? Paica chuyayachic nina shina, tacshana lejía shinami.

HABACUC 1:5

Mandac Diosca: «Shuctac llactacunata ricushpa manchaichic. Ñucaca cancuna causacui punzhacunapimi chai shina mancharinacunata ruhuasha. Chai ruhuashcata maijan huillacpipish, mana cringuichicchu.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

ISAÍAS 29:14

Chaimantami cutinllatac jatun mancharinacunata ruhuashpa, cai gentecunaman ricuchigrini. Chashna ricuchicpica, alli yachaccunapac yachaipish, allita entendiccunapac entendishcapish yangami canga» nini.

EZEQUIEL 33:9

Can chai runata millaita ruhuanata saquichun rimacpipish, mana cazushpa huañushpaca, paipac juchamantami huañunga. Ashtahuanpish canca mana huañunguichu” ningui» nirca.

SAN LUCAS 24:44

Micushca quipaca, Jesusca: —Ñucaca cancunahuan cashparacmi, Moisés mandashcacunapipish, Dios ima nishcata huillaccuna quillcashcacunapipish, Salmocunapipish ñucamanta huillashcacuna pactachunmi, chashnaca tucurca— nishpa huillarca.

SAN JUAN 6:45

Dios ima nishcata huillaccuna quillcashcapica: “Tucuimi Dios yachachishca canga” nin. Chaimantami, maijanpish Dios ima nishcata uyashpa, paimanta yachacucca, ñucapacman shamunga.

HECHOS 7:42

Chaimantami Diosca quiquin munaita ruhuashpa, lucerocunatapish adorachun saquishpa, paicunamanta caruyarca. Dios ima nishcata huillaccuna quillcachishpaca: “Israelcuna, cancuna chuscu chunga huatata shitashca pambapi cashpa, animalta rupachishpaca, mana ñucamanchu curcanguichic.

HECHOS 15:15

Caica, Dios ima nishcata huillaccunaman pai quillcachishca shinami tucushca. Chaipica: