HECHOS 13:36 - Dios Rimashcata Quillcashcami

³⁶ Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

Nuevo Testamento en Quichua Cañar 1996

³⁶ Davidca pai causai punzhacunapi causaccunataca, Dios munashca shinami servirca. Chashna cashpapish paica huañurcami. Chashna huañucpica, paipac ñaupa taitacuna enterrashcapimi enterrarcacuna. Paipac cuerpopish ismurcami.

HECHOS 13:36 Referans Kwoze

HECHOS 2:29

Tandanacushca huauquicunalla, ñaupa mandac Davidmantaca, tucui ima shina cashcatami huillagrini. Pai huañucpica, enterrarcami. Pai maipi enterrashcatapish yachanchicmi.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

HECHOS 13:22

Saulta llucchishpaca, Davidtami jatun mandac cachun churarca. Diosca Davidmanta rimashpaca: “Isaipac churi Davidllami ñuca ima nishcata ruhuashpa, ñuca munashca shina mandanga” nirca.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

1 CRÓNICAS 18:14

Davidca tucui israelcunatami allita, shinallatac cashcata ruhuashpa mandacurca.

1 CORINTIOS 15:18

Cristota crishpa, huañushcacunapish huiñaita chingarishcami canman.

1 CORINTIOS 15:6

Chai quipaca pichca patsac yalli criccunamanmi ricurirca. Chaita ricuccunapuramantaca achcacunami causacuncunarac. Cutin maijancunaca ña huañushcacunami.

SAN JUAN 11:39

Chaipimi Jesusca: —Rumita cutichichic— nirca. Shina nicpimi, chai huañushcapac pani Martaca: —Apunchic Jesús, pai huañushcaca ñami chuscu punzha, ashnacungami— nirca.

SALMOS 49:14

Paicunataca huañuimi manada ovejata shina Seolman pushanga. Chaipica huañuimi michic shina cuidanga. Tutamanta pacarinataca allita ruhuashpa causaccunami paicunataca chaqui ucupi churashpa mandangacuna. Seolmi paicunapac causana huasica canga.

SALMOS 49:9

Huiñaita mana huañushpa causasha nishpapish mana cullquita cui pudinchu.

JOB 21:26

Shina cashpapish ishcaitacmi allpaman rin. Ishcaipitacmi curucunapish jundan.

JOB 17:14

Ñuca ismushpa tucurinataca: “Canca ñuca taitami cangui” nini. Curucunataca: “Ñuca mama, ñuca panicunami canguichic” nini.

2 CRÓNICAS 26:23

Uzías huañushpa paipac ñaupa taitacunahuan tandanacugricpica: «Caica lepra ungüihuanmi carca» nishpami paipac taitacunata enterrashca ladopi enterrarca. Paipac randica, paipac churi Jotammi mandai callarirca.

2 CRÓNICAS 21:1

Josafat huañushpa paipac ñaupa taitacunahuan tandanacugricpica, chai taitacunata enterrashca ladollapitacmi Davidpac pueblopi enterrarca. Paipac randica paipac churi Jorammi mandai callarirca.

2 CRÓNICAS 12:16

Roboam huañushpa, paipac ñaupa taitacunahuan tandanacugricpica, Davidpac pueblopimi enterrarca. Paipac randica, paipac churi Abiasmi mandai callarirca.

2 CRÓNICAS 9:31

Salomón huañushpa, paipac ñaupa taitacunahuan tandanacugricpica, paipac taita Davidpac pueblopimi enterrarca. Paipac randica paipac churi Roboammi mandai callarirca.

1 CRÓNICAS 17:11

Can huañushpa, cambac ñaupa taitacunahuan tandanacugricpica, cambac huahua huahuatami shucta can mandacushcapi churashpa, can mandanataca sinchiyachisha.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

1 TESALONICENSES 4:13

Cuyashca criccuna, huañushcacuna causarinata mana criccuna shina ama llaquilla cachunmi, huañushcacuna ima tucuna cashcata yachachun munanchic.

HECHOS 20:27

Chaica, Dios huillachun nishcataca, mana pacashpami tucui huillarcani.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

1 CRÓNICAS 11:2

Saúl mandacui sarun punzhacunaca canllatacmi israelcunataca macanacuiman pushac, canllatacmi cutichimuc carcangui. Canta Mandac Diosmi cantaca: “Canmi ñuca acllashca israelcunataca michingui. Canmi ñuca acllashca israelcunataca mandangui” nircami» nircacuna.

1 CRÓNICAS 29:28

Paica achca huatacunata causashpa, yuyac cashpami huañurca. Paica tucui alli nishca achca charicmi carca. Pai huañucpica, paipac churi Salomonmi paipac randi mandarca.

HECHOS 8:1

Estebanta huañuchicta Saulo ricushpaca: “Allitami ruhuanguichic” nishpami cushicurca. Chai punzhacunapica Jerusalén pueblo criccunataca yallitami llaquichi callarirca. Chaimantami criccunaca Judea llactata, Samaria llactata miticushpa rircacuna. Ashtahuanpish apostolcunallami mana maiman rishpa saquirirca.

SAN MATEO 25:16

Chai pichca talento cullquita japicca chai cullquihuanca randishpa catushpami, pichca talento cullquihuan mirachirca.