HECHOS 13:30 - Dios Rimashcata Quillcashcami

³⁰ Paicuna chashna ruhuacpipish, Diosca huañushcacunapuramanta causachircami.

Nuevo Testamento en Quichua Cañar 1996

³⁰ Paicuna chashna ruhuacpipish, Taita Diosca huañushcacunapuramantami causachirca.

HECHOS 13:30 Referans Kwoze

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

HECHOS 17:31

Diosca pai acllashca punzhapimi, tucui cai pachapi causaccunataca cashcata ruhuashpa taripanga. Chai punzhami pai acllashca runata cachanga. Gentecuna yachachunmi, paitaca huañushcacunapuramanta causachirca— nirca.

SAN MATEO 28:6

Paica mana caipichu. Pai nishca shinami ña causarirca. Paita maipi churashcata ricuc shamuichic.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

HECHOS 10:40

Chashna huañuchicpipish, Diosca quimsa punzhapi causachishpami, ñucanchicman cutin ricuchirca.

HECHOS 4:10

Cancunapish, tucui israelcunapish caitami yachana canguichic. Chaica, cancuna chacatashpa huañuchishca, quipata Dios huañushcacunapuramanta causachishca, Nazaret pueblomanta Jesucristomi cai runataca alliyachishca. Chai alliyashca runami cancunapac ñaupapi shayacun.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 3:13

Ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús alli nishca cachun alliyachirca. Cancunaca chai Jesustami huañuchiccunaman japichircanguichic. Pilato, paita cacharisha nicucpipish, cancunaca mana cacharichun saquircanguichicchu.

HECHOS 2:32

Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

SAN JUAN 10:17

Ñucaca huañuna cacpipish, huañushpa causarishami. Chaimantami ñuca Taitaca cuyan.

SAN JUAN 2:19

Chashna nicpimi Jesusca: —Diosta mañana huasita urmachishpa saquichic. Quimsa punzhapica cutin shayachishallami— nirca.

HECHOS 13:33

Diosca Jesusta causachishpa, ñucanchicman cushpami, pai cusha nishcataca pactachishca. Chaimantami quipa Salmopica: “Canca ñuca Churimi cangui. Cunanca ñuca Huahuami cangui” nin.

HECHOS 13:34

Diosca Jesusta huañushcacunapuramanta causachishpaca, paipac cuerpo ismuchun mana saquircachu.

HECHOS 13:37

Ashtahuanpish Dios causachishca Jesuspac cuerpoca mana ismurcachu.