HECHOS 13:26 - Dios Rimashcata Quillcashcami

²⁶ Abrahammanta mirarishca huauquicunalla, Diosta manchac, mana israelcunapish cai quishpirinamanta huillashcaca cancunamanmi.

Nuevo Testamento en Quichua Cañar 1996

²⁶ Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 13:26 Referans Kwoze

COLOSENSES 1:5

Cashcata nic alli huillaita uyashpami, cancunaca jahua pachapi Dios huacaichishcata tucui shunguhuan cringuichic.

EFESIOS 1:13

Shinallatac cancunaca cashcata nic huillashcata, quishpirinamanta alli huillaita uyashpaca, Cristota cricpimi, pai cusha nishca Espirituta cushpa, paipacllata ruhuashca sellota churarca.

ROMANOS 1:16

Alli huillaica maijanpish cricta quishpichingapacmi poderta charin. Chaica, puntaca israelcunatami, quishpichinga. Shinallatac mana israelcunatapish quishpichingami. Chaimantami alli huillaimantaca mana pingani.

SAN LUCAS 1:77

Pai acllashcacunapac juchacunata perdonashca cachunmi, quishpirinamanta yachachingui.

SAN LUCAS 1:69

Diosta servic Davidpac huahua huahuapuramanta, imatapish ruhuaclla Quishpichicta cachashca.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

HECHOS 13:43

Tucui chaipi caccuna llucshicpica, tauca israelcunapish, israelcuna yachachishcata caticcunapish Pablota, Bernabetami caticurcacuna. Chai caticcunataca Diosta tucui shunguhuan alli catichun, Dios cuyacushcatapish ama cungarichunmi cunashpa saquirca.

HECHOS 10:35

Mai llactapipish Diosta manchashpa, cashcata ruhuacpica, Diosca chasquinmi.

HECHOS 5:20

«Cunanca, Diosta mañana huasiman yaicushpa, tucui uyaccunaman: “Jesucristoca mushuc causaita cucmi” nishpa, huillangapac richic» nirca.

HECHOS 4:12

Cai pachapi causaccunata quishpichichunca, Jesusllatami Diosca cacharca. Ñucanchicta quishpichicca, pi shuctac mana tiyanchu— nirca.

SAN LUCAS 24:47

Chai shinami, Jerusalén pueblomanta callarishpa, tucui llactacunapi juchayuc cashcamanta llaquirishpa, paipac shutipi Diosman cuti richun huillashca cana can.

SAN MATEO 10:6

Ashtahuanpish chingarishca ovejacuna shina cac, israelcunapacman ringuichic.

SAN MATEO 3:9

Ama cancunapac shungupi: “Ñucanchicca Abrahampac huahua huahuacuna cashcamantaca quishpirishunllami” nishpa, ama yuyacuichicchu. Ashtahuanpish ñucaca: Diosca cai rumicunatapish Abrahampac huahua huahuacunata ruhuanmanllami.

HECHOS 16:17

Chai huambra Pablotapish, ñucanchictapish catishpaca: —¡Cai runacunaca jahua pacha Diosta serviccunami! Paicunaca ima shina quishpirinatami huillancuna— nishpami caparicurca.

HECHOS 3:26

Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

HECHOS 28:28

Caitaca alli yachaichic: Mana israelcunamanmi Diosca quishpirinamanta huillachun cachashca. Paicunami uyangacuna— nirca.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

SALMOS 105:6

Diosta servic Abrahampac huahua huahuacuna. Pai acllashca Jacobopac huahua huahuacuna paita yuyarichicyari.

ISAÍAS 41:8

Israelcunalla, cancunaca ñucata serviccunami canguichic. Jacobopac huahua huahuacunalla, ñuca acllashcacunami canguichic. Cancunaca ñucahuan apanacuc Abrahampac huahua huahuacunami canguichic.

2 CRÓNICAS 20:7

Ñucanchic Mandac Dioslla, cai llactapi causaccunataca canmi, can acllashca israelcunapac ñaupamanta llucchishpa cacharcangui. Shina llucchishpaca, canhuan alli apanacuc Abrahampac huahua huahuacuna huiñaita causachunmi curcangui.

SAN JUAN 6:68

Shina nicpimi, Simón Pedroca: —Apunchic Jesús, ¿pipacmantac rishunyari? Cambac rimashca shimicunaca, huiñai causaita cucmi.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

HECHOS 22:5

Chaitaca, curacunata jatun mandac curapish, pushac yuyaccunapish yachanmi. Paicunallatacmi Damasco pueblo criccunata japishpa, cai Jerusalenpi llaquichingapac apamuchun, quillcata curcacuna. Chaimantami criccunata japimungapac chai puebloman rircani.