HECHOS 13:22 - Dios Rimashcata Quillcashcami

²² Saulta llucchishpaca, Davidtami jatun mandac cachun churarca. Diosca Davidmanta rimashpaca: “Isaipac churi Davidllami ñuca ima nishcata ruhuashpa, ñuca munashca shina mandanga” nirca.

Nuevo Testamento en Quichua Cañar 1996

²² Chai q'uipami Saulta llucchishpa, paipac randica Davidta jatun mandac cachun churarca. Taita Diosca Davidmanta nishpaca: ‘Isaipac churi Davidllami ñuca tucui ima nishcata ruhuashpa, ñuca munashca shina mandanga’ nirca.

HECHOS 13:22 Referans Kwoze

1 REYES 15:5

Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

1 SAMUEL 15:28

Shina lliquiricpimi Samuelca: —Mandac Diosca can chashna lliquishca shinami Israel llactata can mandanata quichushpa cambac ricsishca canta yalli ashtahuan alli runaman curca.

1 SAMUEL 15:26

Shina nicpimi, Samuelca Saultaca: —Canhuanca mana cutishachu. Canca Mandac Diospac shimitami yangapi churarcangui. Chaimantami Mandac Diospish cantaca yangapi churashpa, Israel llactata jatun mandac cashcamanta anchuchigrin— nirca.

HECHOS 7:46

Mandac Davidmi Dios cuyashca cashpa, taita Jacobo alli nina Mandac Diospac huasita ruhuangapac mañarca.

1 REYES 15:3

Abiamca pai manarac tiyacpi, paipac taita juchata ruhuashpa causashca shinallatacmi, juchata ruhuashpa causarca. Paica mana paipac ñaupa taita David shina, paita Mandac Diostaca tucui shunguhuan cazurcachu.

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

2 SAMUEL 2:4

Chaipimi Judá llactapi causaccuna shamushpa, aceitehuan cahuishpa, paicunata mandac cachun churarca. Chaipi cacpimi Davidtaca: “Saulta Galaad llacta Jabes pueblopi causaccunami enterrarca” nishpa huillarca.

1 SAMUEL 15:23

Paita mana cazunaca adivinashpa juchallishca shinami can. Sinchi shungu canapish ruhuashca dioscunata adorashpa causacuc shinami can. Chashna ruhuashpa, Mandac Diospac shimita yangapi churashcamantaca cantapish jatun mandac cashcamanta anchuchishcami cangui— nirca.

HECHOS 15:8

Tucuipac shunguta yachac Diosmi mana israelcunamanpish Espirituta curca. Chashnami ñucanchicta chasquishca shina paicunatapish chasquirca.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

JEREMÍAS 33:26

ñucapish Jacobopac huahuacunataca shitaimanmi. Ñucata servic Davidpac huahuacunatapish cungarimanmi. Shuc punzha Abrahampac, Isaacpac, Jacobopac huahuacunata mandachunca, Davidpac huahuacunataca ña mana mandachun churaimanchu. Ashtahuanpish ñucallatacmi caimanta prezu apashcacunataca llaquishpa cutichimusha» nirca.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

1 CRÓNICAS 10:13

Saulca Mandac Diosta mana cazushpa, Mandac Dios mandashca shimicunatapish mana cazushpa, huañushcacunata mañaccunata tapugrishcamantami chashna huañurca.

2 SAMUEL 7:15

Shina ruhuashpapish, llaquicushallami. Saulta llaquichishca shinaca mana saquishachu. Saultaca cambac ñaupallapitacmi chingachircani.

1 SAMUEL 31:6

Chai punzhami Saulpish, paipac quimsa churicunapish, paipac escudota apac runapish, paihuan puric tucui gentecunapish huañurca.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.

1 SAMUEL 12:25

Ashtahuanpish mana allita ruhuashpa catishpaca cancunapish, cancunata jatun mandacpish huañunguichicmi— nirca.

EZEQUIEL 34:23

Paicunata michichunca, ñucata servic Davidtami churasha. Paillami michinga.

JEREMÍAS 33:21

ñucata servic Davidhuan ari nishcapish yangami canga. Pai mandashpa tiyarinapi mandashpa tiyarichunca huahuata mana cushachu. Shinallatac curacunahuan, levitacunahuan ñucata servichun ari nishcapish yangami canga.

1 SAMUEL 28:16

Shina nicpimi Samuelca: —Mandac Dios canmanta anchurishpa, canta piñacucpica, ¿imapactac ñucataca tapunguiyari?

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

1 CRÓNICAS 2:12

Boozca Obed churitami charirca. Obedca Isaí churitami charirca.