HECHOS 13:21 - Dios Rimashcata Quillcashcami

²¹ Samuel mandacui punzhacunapi israelcuna jatun mandacta mañacpica, Diosca Cispac churi Saultami chuscu chunga huatata mandachun curca. Saulca Benjamín aillumantami carca.

Nuevo Testamento en Quichua Cañar 1996

²¹ Samuel mandacui punzhacunapimi, israelcunaca: ‘Shuc jatun mandactami ninchic’ nishpa mañarcacuna. Chashna mañacpimi, Taita Diosca Cis runapac churi Saulta chuscu chunga huatata mandachun curca. Chai Saulca Benjamín aillumantami carca.

HECHOS 13:21 Referans Kwoze

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 15:1

Chai quipami Samuelca Saultaca: —Mandac Diosmi pai acllashca israelcunata jatun mandac cachun cantaca aceitehuan cahuichun ñucata cacharca. Chaimanta cunanca Mandac Dios ima nishcata alli uyangui.

1 SAMUEL 11:15

Shina nicpimi, tucui israelcuna Gilgal puebloman rirca. Chaipimi Mandac Diospac ñaupapi Saultaca jatun mandac cachun churarca. Chai quipami Mandac Dios-huan alli cangapac animalcunata cushpa huañuchirca. Chashna ruhuashpami Saulpish, tucui israelcunapish yallita cushicurca.

1 SAMUEL 8:5

Chaipimi: —Riqui, canca ñami yuyac cangui, cambac churicunaca mana can shina mandacuncunachu. Chaimanta cunanca tucui llactacuna shinallatac ñucanchicpish juezta charingapac, jatun mandacta churaiyari— nirca.

1 SAMUEL 9:1

Benjamín aillupurapimi alli nishca Cis runa tiyarca. Cisca Abielpac churi. Abielca Zerorpac churi. Zerorca Becoratpac churi. Becoratca Afiapac churimi carca. Paica Benjaminpac aillupurami carca.

1 SAMUEL 9:15

Saúl chayangapac shuc punzha siricpimi, Mandac Diosca Samuelman rimashpaca: