HECHOS 13:12 - Dios Rimashcata Quillcashcami

¹² Mandac Sergio chaita ricushpa, shinallatac Pablo Apunchic Jesusmanta yachachishcata uyashpaca, mancharishcami saquirirca. Chaimantami Jesusta crirca.

Nuevo Testamento en Quichua Cañar 1996

¹² Mandac Sergioca Apunchic Jesusmanta yachachishcata uyashpa, shinallatac chashna tucushcata ricushpacarin, mana amirishpami crirca.

HECHOS 13:12 Referans Kwoze

HECHOS 13:7

Chai brujoca Chipre llactata mandac, alli yachac Sergio Paulohuanmi apanacuc carca. Chai mandacmi Bernabetapish, Saulotapish Diosmanta huillachun cayac cacharca.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.

HECHOS 28:7

Chai allpaca, chai llactata mandac Publiopacmi cashca carca. Paimi ñucanchicta huasipi sumacta chasquishpa, quimsa punzhata pozachirca.

HECHOS 19:7

Paicunaca chunga ishcai shinami carcacuna.

HECHOS 15:35

Pablopish, Bernabepish, Antioquía pueblollapitac saquirishpami, Apunchic Jesusmanta alli huillaita taucacunahuan huillarca.

HECHOS 13:49

Chashnami, Diosmanta alli huillaitaca tucui chai llactapi huillarca.

HECHOS 6:10

Ashtahuanpish Diospac Espíritu yuyaita cushpa, Estebanta rimachicpimi, chai runacunaca mana ati pudircacuna.

SAN JUAN 7:46

Shina nicpimi soldadocunaca: —Chai runa shinaca, jaicapi pi mana rimashcachu— nirca.

SAN LUCAS 7:16

Chaipi caccuna mancharishpa, Diosta pagui nishpaca: —Dios ima nishcata jatun huillacmi ñucanchic chaupipica ricurishca. Diosmi, pai acllashca gentecunata ricungapac shamushca— nircacuna.

SAN MATEO 27:54

Patsac soldadocunata mandacpish, Jesusta cuidaccunapish allpa chucchucta, shuctac ima tucushcacunata ricushpaca yallita mancharishpami: —Cai runaca Diospac Churitacmi cashca— nircacuna.

HECHOS 8:25

Pedropish, Juanpish Jesucristomanta huillashpa, Dios rimashcacunata yachachishpaca, Samaria llacta tauca uchilla pueblocunapipish alli huillaita huillashpami, Jerusalenman cutircacuna.

HECHOS 13:8

Paicuna huillangapac shamucpica, chai brujoca ama crichunmi chai mandactaca jarcarca. Barjesús shutica griego rimaipica Elimas nisha ninmi.

HECHOS 13:48

Chashna nicta mana israelcuna uyashpaca: “¡Diosmanta alli huillaica sumacmari!” nishpami, yallita cushicurca. Huiñai causaita charichun, Dios acllashcacunaca, tucuimi crircacuna.

HECHOS 15:36

Tauca punzhacuna quipami, Pabloca Bernabetaca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crirca. Cunanca, paicuna ima shina caticucta jacu ricungapac— nirca.

HECHOS 18:12

Mandac Galión Acaya llactata mandacui punzhacunapimi, israelcunaca tandanacushpa, Pablota llaquichingapac mandacpac ñaupaman aparca.

HECHOS 19:10

Chashnami Pabloca chai Asia llactapica ishcai huatata causarca. Chaipi Apunchic Jesusmanta alli huillaita huillacpica, tucui israelcunapish, mana israelcunapish uyarcacunami.

HECHOS 19:20

Apunchic Jesusmanta maipipish huillacpimi, ashtahuan crishpa mirarirca.

HECHOS 19:38

Cai runacuna Demetriotapish, paita ayudaccunatapish piñachishca cacpica, mandaccunapacman, juezcunapacman richun. Chaipi ñahui ñahui juchanchichun.