HECHOS 13:10 - Dios Rimashcata Quillcashcami

¹⁰ —¡Canca Diablopac huahuami cangui! ¡Canca cashcata ruhuanata saquishpami, mana allillata ruhuashpa causangui! ¿Ima horacamantac Mandac Dios munashca shina, alli causasha nicuccunataca pandachingui?

Nuevo Testamento en Quichua Cañar 1996

¹⁰ —Canca diablopac huahua cashpami, tucui mana allillata ruhuashpa allitaca p'iñashpa, llullashpalla causangui. Mandac Dios munashca shina alli causasha nicuccunataca, ¿maicamantac pandachicungui?

HECHOS 13:10 Referans Kwoze

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicumi, maijancunaca Cristomanta alli huillaitaca shuctaclayaman yachachishun nincuna.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

SAN MATEO 13:38

Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

SAN LUCAS 11:52

¡Mandashcacunata yachachiccunalla, imachari tucunguichic! Cancunaca Diosmanta yachana yuyaitaca huichcanguichicmi. Cancunapish mana yachanguichic. Shinallatac shuccuna yachachunpish, mana saquinguichic— nirca.

2 PEDRO 2:15

Cashcata ruhuashpa causanata saquishpami Bosorpac churi ñaupa huillac Balaam ruhuashcata catishpa pandarishpa purincuna. Balaamca millaita ruhuashpallami, cullquita japinata munac carca.

HECHOS 20:30

Cancunapuramantapish maijanca: “Ñucata catichic” nishpami, llullashpa huillanga.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

SAN JUAN 1:23

Shina nicpimi Juanca: —Dios ima nishca huillac Isaiasca: “Quishpichic shamuna ñanta derechaichic” nishpa, shitashca pambapi caparicuc shinami cani— nirca.

SAN LUCAS 11:39

Chaimantami Apunchic Jesusca: —Cancuna fariseocunaca vasotapish, platotapish jahuallatami jahuanguichic, ashtahuanpish shungupica shuhuana yuyai, imapish mana allita ruhuana yuyaicunallami canguichic.

JEREMÍAS 23:36

Cancunaca jaicapi: “Mandac Diosmi huillachun nirca” nishpaca, ama ninguichicchu. Chaica maijanpish chai rimashcata huillacpica, chai huillashcaca llashac carga shinami tucunga. Causac Diospac, tucuita Mandac ñucanchic Diospac rimashcata mana allita ruhuashcamantami chashnaca tucunga.

ECLESIASTÉS 9:3

Inti achicyachicuc cai pachapi tucui ruhuanamantaca caicunami mana alli ricurin. Tucuimi chashnallatac tucun. Huañuclla runapac shunguca tucui causaipimi mana allita ruhuana yuyaillahuan, juizhu illac causacun. Chai quipaca huañushcacunahuanmi tandanacugrin.

2 CRÓNICAS 17:6

Mandac Diosta cazushpa, causana munaitami paipac shungupi ashtahuan charirca. Lomacunapi tiyac altarcunatapish, Judá llacta chaupipi tiyac Asera huarmi diosta yuyarina yuratapish anchuchircami.

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.