HECHOS 12:9 - Dios Rimashcata Quillcashcami

⁹ Chaimantami Pedroca chai angelta catishpa llucshirca. Pedroca ángel chashna llucchicushcataca mana yuyarcachu, ashtahuanpish muscuipi cashcatami yuyarca.

Nuevo Testamento en Quichua Cañar 1996

⁹ Chashna nicpi, Pedroca chai angelta c'atishpami llucshirca. Paica ángel chashna llucchicushcataca mana yuyarcachu, ashtahuanpish “muscuillapimi ricucuni” yuyarcami.

HECHOS 12:9 Referans Kwoze

SALMOS 126:1

Mandac Dios prezucunata Sionman cutichimucpica, muscushca shinami carca.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

HECHOS 26:19

Jatun mandac Agripalla, ñucaca jahua pachamanta muscuipi shina ricuchishcatami cazurcani.

HECHOS 10:3

Shuc punzha, quimsa horas chishita Diosta mañacucpi, Dios cachashca ángel muscuipi shina cungailla ricurishpaca: —Cornelio— nirca.

GÉNESIS 45:26

Taita Jacobopacman chayashpaca: —Joseca causacushcaracmi, paica tucui Egipto llactatami mandacun— nishpami huillarca. Shina huillacpica, taita Jacoboca mana crishpami upayashpa saquirirca.

HECHOS 11:5

—Ñucaca Jope pueblopi Diosta mañacushpami, muscuipi shina, jatun lienzo chuscu puntapi huatashca, jahua pachamanta ñucapacman shamucucta ricurcani.

HECHOS 10:17

Chaita Pedro ricushpa, mancharishpa shayacucpimi, Cornelio cachashca runacunaca tapushpa, tapushpa Simonpac huasiman cungailla chayarca.

HECHOS 9:10

Damasco pueblopica Jesusta cric Ananiasmi causarca. Paiman Apunchic Jesús muscuipi shina ricurishpaca: —Ananías— nirca. Shina nicpimi Ananiasca: —Caipimi cani, Apunchic Jesús— nirca.

SAN JUAN 2:5

Shina nicpimi, mamaca serviccunataca: —Tucui pai nishcata ruhuanguichic— nirca.

GÉNESIS 6:22

Shina mandacpica, Noeca Dios nishca shinami ruhuarca.

HECHOS 12:8

Shinallatac angelca: «Chumbilliri, ushutatapish churari» nircami. Pedro chashna ruhuacpica, cutin chai angelca: «Jahualla churanatapish churarishpa, ñucata cati» nirca.