HECHOS 12:23 - Dios Rimashcata Quillcashcami

²³ Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

Nuevo Testamento en Quichua Cañar 1996

²³ Chashna nicta uyashpa, paica ashtahuan “Dios shinami cani” nirishcamantaca, Mandac Dios cachashca ángel ung:uita churacpi, Herodesca c'urucuna micushcami huañurca.

HECHOS 12:23 Referans Kwoze

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.

SALMOS 115:1

Mandac Dioslla, ama ñucanchicta alli nichuyari. Ashtahuanpish can llaquic cashcamanta, cashcata nic cashcamanta cambac sumaimana shutita alli niyari.

1 SAMUEL 25:38

Chaimanta chunga punzha quipaca, Mandac Diosllatac anchayachicpimi, Nabalca huañurca.

EZEQUIEL 28:2

«Huañunalla runa, Tiro llactata mandactaca: “Mandac Diosca: Canca shungupi jatun tucushpami: ‘Ñucami dios cani. Chaimantami dioscunapac tiyarinapi tiyarishpa, mama cucha chaupipi tiyacuni’ nircangui. Canca runallami cangui. Mana dioschu cangui. Chashna cashpapish, cambac shungupi dios cashcatami yuyangui.

ISAÍAS 66:24

Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

EZEQUIEL 28:9

¿Canca huañuchiccunapac ñaupapica: ‘Diosmi cani’ ni pudinguichu? ¡Canca huañuchiccunapac ñaupapica runallami cangui! ¡Mana dioschu cangui!

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 14:11

Canca alli nishca cashpapish, arpacunapi tocac cashpapish Seolmanmi urai shamushcangui. Caipica cambac cama shinaca curucunami. Cutin cata shinaca cuicacunami.

JOB 19:26

¡Ñuca aicha ismushpa chingaricpipish, Diostaca ñucallatacmi ricusha!

JOB 7:5

Ñuca cuerpoca curucunahuan, asha allpahuan tapashca shinami. Ñuca aicha carapish millanayaitami ashnacun.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

2 REYES 19:35

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadocunata huañuchirca. Cayandi tutamanta jatarishpaca, tucui huañushca siricuctami ricurca.

ÉXODO 12:23

Mandac Diosca Egipto runacunata huañuchishpa pasacushpaca, cancunapac huasi pungu ishcai caspicunapi, pungu umbralpi yahuar cahuishcata ricushpaca pasangallami. Shinallatac cancunapac huasicunapi huañuchic yaicushpa, llaquichichunpish mana saquingachu.

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

ÉXODO 10:3

Chaimantami Moisespish, Aaronpish Faraonpacman rishpaca: —Mandac Diosca israelcunataca: “¿Maicamantac ñuca ñaupapi mana cumurishpa, jatun tucugringui? Ñuca acllashcacuna ñucata servingapac richun saqui, ama jarcaichu.

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

HECHOS 5:19

Chashna churacpipish, Dios cachashca ángel tuta shamushpa, cárcel punguta pascashpa, paicunata llucchishpaca:

HECHOS 12:22

Chaimanta chai gentecuna caparishpaca: “¡Canca Dios shinami rimangui, mana runa shinachu rimangui!” nircacuna.

PROVERBIOS 12:8

Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.