HECHOS 12:20 - Dios Rimashcata Quillcashcami

²⁰ Mandac Herodesca Tiro pueblopi, Sidón pueblopi causaccunahuanmi yallita piñarirca. Chashna piñarishpami, chai llactapi causaccunaman ama imata catuchun mandarca. Chaimantami paicunaca shuc yuyailla tucushpa, Herodespac mayordomo Blastota Herodes-huan parlashpa cuchun mañarcacuna. Chai llactacunapi causaccunaca Herodespac llactamantami micunata randishpa causac carca. Chaimantami mana piñanacunata munarcacuna.

Nuevo Testamento en Quichua Cañar 1996

²⁰ Mandac Herodesca Tiro pueblopi, Sidón pueblopi causaccunahuanmi munai p'iñarirca. Chashna p'iñarishpami, chai llactapi causaccunamanca paicuna imalla randina cashcataca ña mana c'atuchirca. Chaimantami paicunaca Herodes mandachun churashca Blasto runahuan shuc yuyailla tucushpa, sumacta causanata Herodesmanca mañagrircacuna.

HECHOS 12:20 Referans Kwoze

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

EZEQUIEL 27:17

Judá llacta gentecunapish, israelcunapish canhuanmi catushpa, randishpa causac carca. Paicunaca plazacunapica trigohuan, mirrahuan, mishquihuan, aceitehuan, resinahuanmi randic carca.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

2 CRÓNICAS 2:15

Cunanca, ñuca amolla, canta serviccunaman can cusha nishca trigota, cebadata, aceiteta, vinota cachailla.

2 CRÓNICAS 2:10

Riqui, caspita pitishpa canta serviccunamanca ishcai chunga huaranga coro trigota, ishcai chunga huaranga coro cebadata, ishcai chunga huaranga litro vinota shinallatac ishcai chunga huaranga litro aceitetami cugrini» nichun cacharca.

JOSUÉ 19:29

Chaimantaca Ramá pueblo ladoman cutishpa, muyundi pircashca Tiro pueblocamanmi carca. Chai pueblomantaca Hosa pueblota muyushpa, mama cuchacamanmi carca. Shinallatac Mahaleb, Aczib,

GÉNESIS 10:19

Cananeocunapac llactaca Sidonmanta Gerar ladota rishpa, Gaza llactacamanmi carca. Shuc ladomanca Sodoma, Gomorra, Admacamanmi carca. Shinallatac Seboimantaca Lasa llactacamanmi carca.

GÉNESIS 10:15

Canaanca ishcai churitami charirca. Punta churica Sidón, quipa churica Hetmi carca.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

HECHOS 12:21

Chashna mañacpica, shuc punzhapacmi cayarca. Chai punzhapimi Herodesca mandac churanata churarishca, jatun tiyarinapi tiyarishpa, paicunataca sumacta rimarca.

HECHOS 21:3

Chaita ricucpica, Chipre llactaca lluqui ladomanmi saquirirca. Chai barcoca Siria llacta Tiro pueblopimi cargata saquingapac yaicurca. Chaipimi ñucanchicpish saquirircanchic.

HECHOS 21:7

Tiro pueblomantaca barcopimi Tolemaida puebloman chayarcanchic. Chaipi criccunata saludashpami, paicunahuan cainarcanchic.