HECHOS 11:27 - Dios Rimashcata Quillcashcami

²⁷ Chai punzhacunapimi, Dios ima nishcata huillaccunaca Jerusalenmanta Antioquía puebloman shamurca.

Nuevo Testamento en Quichua Cañar 1996

²⁷ Chai punzhacunapimi, Diosmanta huillaccunaca Jerusalenmanta Antioquía puebloman shamurcacuna.

HECHOS 11:27 Referans Kwoze

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HECHOS 15:32

Judaspish, Silaspish Dios ima nishcata huillaccuna cashpami, chai criccunataca tauca cutin alli cunashpa yachachirca. Chashna yachachicpimi, criccunaca cushicushpa, ashtahuan catina yuyaita japirca.

HECHOS 2:17

“Diosca: Tucuri punzhacunapica Espiritutaca tucuimanmi cachasha. Chashna cachacpimi, cancunapac churicunapish, ushicunapish ñucamanta huillanga. Cancunapac quipa huiñaicunapish, muscuipi shina ricungacunami. Pushac yuyaccunapish muscungacunami.

SAN MATEO 23:34

Chaimantami Dios ima nishcata huillaccunatapish, alli yachaccunatapish, yachachiccunatapish cachagrini. Paicunamanta maijantaca chacatashpa huañuchinguichicmi. Maijancunataca tandanacuna huasicunapimi macanguichic, shinallatac pueblo pueblotami llaquichishpa puringuichic.

1 CORINTIOS 14:32

Dios ima nishcata huillaccunaca, Dios ima nishcata huillaccuna shinami yuyan.

HECHOS 21:9

Felipeca chuscu ushi solteracunatami charirca. Paicunaca Dios ima nishcata huillacmi carca.

HECHOS 21:4

Chaipi criccunata tarishpaca, canchis punzhatami paicunahuan carcanchic. Chai criccunaman Diospac Espíritu yuyaita cucpimi Pablotaca: “Jerusalenman ama richu” nishpa jarcarca.

SAN LUCAS 11:49

Chaimantami Diosca tucuita yachac cashpa: “Ñuca ima nishcata huillaccunatapish, ñuca acllashca huillaccunatapish cachashami. Paicunataca maijantaca huañuchingami, maijantaca llaquichishpa, catingami” nirca.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HECHOS 11:20

Chashna cacpipish, Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish Apunchic Jesusmanta alli huillaita huillarcami.

HECHOS 11:22

Jerusalenpi tandanacushca criccuna chaita yachashpaca, Bernabetami Antioquía puebloman cacharca.

HECHOS 14:26

Chai Atalia pueblomantaca barcopimi, Pabloca Bernabehuan Antioquía puebloman cutirca. Chai pueblopimi criccunaca paicunata Dios cuyashpa cuidachun nishpa cacharca.

HECHOS 15:22

Shina nishcaca apostolcunamanpish, pushac yuyaccunamanpish, tandanacushca criccunamanpish allimi carca. Chaimantami tucui criccuna cuyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarca.

HECHOS 15:30

Chashnami chai acllashca runacuna Antioquía puebloman rishpa, criccunata tandachishpa, chai quillcata curcacuna.

HECHOS 18:22

Ña Cesarea puebloman chayashpaca, tandanacushca criccunata saludangapacmi Jerusalenman rirca. Quipataca Antioquía pueblomanmi urai rirca.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

GÁLATAS 2:11

Antioquía puebloman Pedro chayacpica, pai mana allita ruhuacushcamantami ñahui ñahui sinchita rimarcani.