HECHOS 10:4 - Dios Rimashcata Quillcashcami

⁴ Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

Nuevo Testamento en Quichua Cañar 1996

⁴ Chaita uyashpa, Cornelio manchailla saquirishpami, angelta ricushpaca: —Amito, ¿imatatac ningui?— nirca. Chashna nicpi angelca: —Huacchacunaman cushpa, can Taita Diosman mañashcataca, paica chasquishcami.

HECHOS 10:4 Referans Kwoze

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

APOCALIPSIS 8:4

Incienso rupashcapish, Diospaclla caccuna Diosta mañashcapish, Diospac ñaupamanmi angelpac maquimantaca rirca.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

FILIPENSES 4:18

Cancuna Epafroditoman mingashpa ñucaman cachashcataca, tucuita chasquishpami cunancarin, yalli yallita charini. Cancuna ñucaman cushcacunaca Dios cushilla chasquina mishquilla ashnacuc shinami ricurin.

HEBREOS 13:16

Caishuc chaishuc ayudanacushpa, allita ruhuanataca amatac saquinguichicchu. Chaimi animalta Diosman cushpa rupachic shina can. Chaitami Diosca cushilla chasquin.

SAN LUCAS 1:29

María angelta ricushpa mancharircami. Paipac shungupica, “¿cai rimashcacunaca imatatac nisha nin?” nishpami yuyacurca.

SAN MATEO 26:13

Cai pachapi quishpirinamanta alli huillaita maipipish huillacushpaca, cai huarmi ruhuashcatapishmi huillanga. Pai ruhuashcaca yuyarishcami canga. Chaica chashnatacmi canga— nirca.

DANIEL 10:11

Shina ruhuashpaca: “Yallita cuyashca Daniel, ñuca rimashcata alli uyangui. Cunanmi canta ricuchun cacharca. Chaimanta shayari” nirca. Pai ñucahuan rimacucllapitacmi ñucaca chucchushpa shayarircani.

ISAÍAS 43:26

Ñucata yuyachichishpa, Taripachun imata cashpapish ricuchichiclla. Cashcata ruhuashca ricuringapac cancunarac rimaichiclla.

2 CRÓNICAS 32:24

Chai huatacunapimi Ezequiastaca huañuchiclla ungüi japirca. Chaimantami Ezequiasca Mandac Diosta mañarca. Shina mañacpica, Mandac Dios uyashpami, shuc ricuchinata ricuchirca.

2 CRÓNICAS 6:33

Chashna mañacpica, can causacuc jahua pachapimi uyangui. Shina uyashpami, shuc llactamanta cacpipish, pai imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipica cambac shutita alli nishpa mañanatapish yachanga.

1 SAMUEL 3:10

Mandac Dios shamushpami puntaman shinallatac: —¡Samuel, Samuel!— nishpa cayarca. Shina cayacpimi Samuelca: —Canta servic ñucaca uyacunimi, rimailla— nirca.

HECHOS 22:10

Chaipimi ñucaca: “Apunchic Jesús, ¿imatatac ruhuasha?” nircani. Shina nicpimi, Apunchic Jesusca: “Jatarishpa, Damasco llactaman ri. Chaipimi can ima ruhuana cashcataca huillanga” nirca.

SAN LUCAS 24:5

Paicuna manchaihuan pambacaman cumuricpimi, chai runacunaca: —¿Ima nishpatac causarishcataca, huañushcacunapurapi mashcacunguichic?

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

LEVÍTICO 2:2

Chaitaca Aaronpac churi curacunamanmi cunga. Chaitaca curami maqui junda alli harinahuan, aceitehuan, inciensohuan chapushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

SALMOS 20:3

Can ofrendacunatapish yuyarichun. Can cushpa tucui rupachishcatapish chasquichun.

HECHOS 3:4

Chaimanta Juanpish, Pedropish chai runata ricushpaca: —¡Caita uyai!— nirca.

HECHOS 14:9

Paica Pablo rimashcata allimi uyacurca. Pablo chai runapac ñahuita allita ricushpaca, pai alliyanata cricuctami ricurca.