HECHOS 10:33 - Dios Rimashcata Quillcashcami

³³ Chaimantami canta pushamuchun cacharcani. Allitami shamushcangui. Cunanca tucuimi Diospac ñaupapi canchic. Pai tucui imata ñucanchicman huillachun nishcataca huillailla. Ñucanchicca uyashun ninchicmi— nirca.

Nuevo Testamento en Quichua Cañar 1996

³³ Chaimantami ñucaca canta pushamuchun cacharcani. Allitacmi shamushcangui. Cunanca tucuimi Taita Diospac ñaupapi canchic. Pai tucui imallata ñucanchicman huillachun nishcataca huillailla. Ñucanchicca uyashun ninchicmi— nirca.

HECHOS 10:33 Referans Kwoze

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

GÁLATAS 4:14

Ñuca ungushca cashcamanta mana chasquipac cacpipish, mana millarcanguichicchu, mana piñarcanguichicchu. Chaipac randica Diospac angelta shina, shinallatac Cristo Jesusta chasquic shinami ñucataca chasquircanguichic.

SANTIAGO 1:21

Chashna cashcamanta tucui mapamanta, shinallatac tucui mana allicunamanta anchurishpa, cancunapac shungupi tarpushca alli huillaitaca cuyac shunguhuan chasquichic. Chai alli huillaimi cancunataca quishpichinata pudin.

1 CORINTIOS 3:18

Maijanpish “ñucaca allimi cani” nishpaca, ama pandaringuichicchu. Cancunapuramanta maijanpish cai pacha gentecuna yuyashca shina “mai yachacmi cani” nishpa yuyacushpaca, imata mana yachac shinami tucuna canguichic. Chai shina tucushpami, mai yachaccunatac tucunguichic.

HECHOS 28:28

Caitaca alli yachaichic: Mana israelcunamanmi Diosca quishpirinamanta huillachun cachashca. Paicunami uyangacuna— nirca.

MARCOS 10:15

Maijanpish shuc huahua shina, Dios mandacucta mana chasquicca, Dios mandacucmanca mana yaicungachu. Chaica chashnatacmi canga— nirca.

SAN MATEO 18:4

Maijanpish cai huahuacuna shina humildemi jahua pacha Dios mandacucpica tucuimanta yalli alli nishcaca canga.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 1:5

Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

SAN MATEO 19:30

Chaica cunan punzhapi ‘allimi cani’ niccunaca, yangallami tucunga. Cutin, cunan punzhapi yangalla caccunaca, alli nishcami canga.

PROVERBIOS 18:15

Alli yuyaita charic runapac shunguca alli yachaitami japin. Yachaisapacunapac ringrica alli yachaitami uyanata munan.

HECHOS 10:32

Cunanca, Jope pueblomanta Pedro nishca Simonta pushamuchun cachai. Paica carata ñutuyachic Simonpac huasipimi. Chai huasica mama cucha patapimi. Pai shamushpami, can imata ruhuana cashcata huillanga” nirca.

HECHOS 10:34

Chaimantami Pedro huillai callarishpaca: —Cunanmi allita entendini. Chaica, Diosmanca, tucuimi chai shinallatac canchic.

DEUTERONOMIO 30:13

Chashnallatac mana mama cucha chimba ladopichu. Chaipi cacpica: “Chai mandashcacunata uyashpa cazungapacca, ¿pitac mama cuchata pasashpa apamushpa, ñucanchicman uyachingayari?” ninguichicmanmi.