HECHOS 10:25 - Dios Rimashcata Quillcashcami

²⁵ Pedro chayacpica, Cornelio tupangapac llucshishpami, paipac ñaupapi cungurishpa chasquirca.

Nuevo Testamento en Quichua Cañar 1996

²⁵ Corneliopac huasiman Pedro chayacpica, Cornelio tupangapac llucshishpami, Taita Diosta shina Pedrotaca cungurishpa alli ni callarirca.

HECHOS 10:25 Referans Kwoze

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.

SAN MATEO 8:2

Chaiman leprahuan ungushca runa shamushpa, Jesuspac ñaupapi cumurishpaca: —Apunchic Jesús, can alliyachisha nishpaca, alliyachinguimanllami— nirca.

DANIEL 2:46

Shina huillacpimi, jatun mandac Nabucodonosorca Danielpac ñaupapi pambacaman cumurishpa alli nirca. Chaimantami ofrendata paiman cuchun, inciensota rupachichun mandarca.

DANIEL 2:30

Chai mana yachashcataca ñucamanmi ricuchirca. Chaica, mana ñuca tucui gentecunata atishpa yachashcamantachu ñucaman ricuchirca. Ashtahuanpish can muscushca imata nisha nicushcata, cambac shungu imata yuyacushcata huillachunllami ñucaman ricuchirca.

SAN MATEO 14:33

Chaimantami canoapi caccunaca Jesuspac ñaupapi cungurishpa: —Canca Diospac Churitacmi cangui— nishpa, alli nircacuna.