HECHOS 10:2 - Dios Rimashcata Quillcashcami

² Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

Nuevo Testamento en Quichua Cañar 1996

² Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

HECHOS 10:2 Referans Kwoze

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

HECHOS 10:22

Chashna nicpimi paicunaca: —Pasac soldadocunata mandac Cornelio cachacpimi shamunchic. Paica Diosta cazucmi, shinallatac tucui israelcunapac alli nishca runami. Dios cachashca angelmi canta huasiman pushamuchun, shinallatac can ima huillashcata uyachun nishca— nirca.

HECHOS 13:16

Chaimanta Pablo jatarishpa, upallachu maquihuan señata ruhuashpaca: —Israel huauquicunapish, Diosta manchac mana israelcunapish, caita uyaichic.

HECHOS 10:35

Mai llactapipish Diosta manchashpa, cashcata ruhuacpica, Diosca chasquinmi.

HECHOS 10:7

Paihuan parlacuc ángel ricpica, Cornelioca ishcai serviccunata shinallatac Dios yuyailla causac soldadotami cayarca.

HECHOS 8:2

Dios yuyailla causac runacunami yallita huacashpa, Estebantaca enterrarca.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

HECHOS 18:8

Tandanacuna huasipi mandac Crispopish, paipac tucui familiandimi Apunchic Jesusta crirca. Corinto pueblo gentecunapish, taucacunami alli huillaita uyashpa, crishpa bautizarirca.

HECHOS 13:26

Abrahammanta mirarishca huauquicunalla, Diosta manchac, mana israelcunapish cai quishpirinamanta huillashcaca cancunamanmi.

SAN LUCAS 2:25

Simeón shuti runami Jerusalenpi causarca. Paica Diosta cazucpish, cashcata ruhuacpishmi carca. Paica israelcunata Dios quishpichingapac shamuctami shuyacurca. Diospac Espiritumi paihuan carca.

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

1 TESALONICENSES 5:17

Punzhanta Diosta mañaichic.

COLOSENSES 4:2

Diosta mañashpa, paita pagui nicuichiclla.

HECHOS 22:12

Chaipica, Moisés mandashcacunata alli cazuc, chaipi causac israelcunapacpish alli nishca Ananiasmi causacushca carca.

HECHOS 13:50

Ashtahuanpish israelcunaca chai runacunata catishpa cachashunmi, gentecunapac alli nishca, Diosta yuyaric huarmicunatapish, chai pueblota mandaccunatapish cunarca. Chaimantami Pablotapish, Bernabetapish llaquichishpa, chai llactamanta llucchishpa cacharcacuna.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

HECHOS 9:36

Jope pueblopica, Tabita shuti cric huarmimi causarca. Chai shutica, griego rimaipica «Dorcas» nisha ninmi. Chai huarmimi huacchacunata ayudashpapish, shuctac allicunata ruhuashpapish causac carca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

HECHOS 9:11

Shina nicpimi, Apunchic Jesusca: —Jatari, Derecha shuti ñanman ri. Judaspac huasipi yaicushpa, Tarso pueblomanta Saulota tapui. Chai huasipimi paica Diosta mañacun.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ECLESIASTÉS 7:18

Caita chariranaca allimi. Caishuctapish cambac maquimantaca, ama cacharinguichu. Diosta manchac runaca tucuipimi alli llucshinga.

SALMOS 119:2

Ima shina causanata yachachishcata pactachingapac tucui shunguhuan mashcaccunaca maimi cushicun.

SALMOS 102:15

Mandac Diospac shutitaca tucui llactapi causaccunami manchanga. Can sumaimana cashcataca tucui cai pachapi causac jatun mandaccunami manchanga.

SALMOS 88:1

Ñucata quishpichic Mandac Dioslla, tutapish, punzhapish canllatami mañani.

SALMOS 86:3

Mandac Dioslla, ñucata llaquiyari. Canllatami tucui punzha mañani.

SALMOS 55:17

Tutamantapish, chaupi punzhapish, chishipish Diosta caparishpa mañashami. Paica ñuca mañashcata uyangami.

SALMOS 41:1

¡Huaccha runata llaquicca cushicunmi! Llaqui punzhacunapica, Mandac Diosmi quishpichinga.

SALMOS 25:5

Ñucata quishpichic Dioslla, cantami punzhanta shuyani. Cashcata ruhuanata yachachic ñanpi churashpa yachachiyari.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

2 CRÓNICAS 6:33

Chashna mañacpica, can causacuc jahua pachapimi uyangui. Shina uyashpami, shuc llactamanta cacpipish, pai imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipica cambac shutita alli nishpa mañanatapish yachanga.

1 REYES 8:43

Chashna mañacpica, can causacuc jahua pachapi uyanguiyari. Shina uyashpami shuc llactamanta cacpipish, paicuna imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipipish, cambac shutita jatunyachishpami mañangacuna.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

HECHOS 2:5

Chai punzhacunapica tucui llactacunamantami, Diosta yuyariccunaca Jerusalén pueblopi causacurca.

HECHOS 11:14

Paimi canpish, cambac huasi familiacunapish ima shina quishpirina cashcataca huillanga” nishca carca.

SAN MATEO 25:17

Ishcai talento cullquita japicpish, chai shinallatacmi mirachirca.