HECHOS 10:15 - Dios Rimashcata Quillcashcami

¹⁵ Shina nicpi, cutin rimashca uyarishpaca: —Dios chuyayachishcataca, ama mapami nichu— nirca.

Nuevo Testamento en Quichua Cañar 1996

¹⁵ Shina nicpi cutin rimashpaca: —Dios micunallami nishcataca mana micunachu nishpaca, ama nichu— nishcami uyarirca.

HECHOS 10:15 Referans Kwoze

1 CORINTIOS 10:25

Aicha catuccuna tucui catushcata, ama caita chaita yuyashpa micuichiclla.

SAN MATEO 15:11

Imapish shimita yaicucca mana juchayucta ruhuanchu, ashtahuanpish shungumanta llucshishca, mana alli rimaicunami, runataca juchayucta ruhuan— nirca.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

MARCOS 7:19

Micunaca shunguman mana yaicushpami, huicsallaman yaicun. Quipamanca llucshinllami— nirca. Chashna nishpaca, ima micunatapish micunallami nishpami yachachirca.

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

HECHOS 11:9

Ñuca chashna nicpi, jahua pachamanta cutin rimashca uyarishpaca: “Dios chuyayachishcataca, ama mapami nichu” nirca.

ROMANOS 14:20

Dios imata ruhuasha nicushcataca ama micushcallamanta yangapi churaichu. Tucui micuimi micunalla, ashtahuanpish micushpa shuctac criccunata juchapi urmachinami mana alli.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

HECHOS 15:9

Paicuna cricpica, paicunapac shungumantapish juchacunata anchuchircami. Chaimantami ñucanchicpish, paicunapish chashnallatac canchic.

HECHOS 15:29

Ruhuashcalla dioscunaman cushca ofrendatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Caicunata cazushpaca, allitami ruhuanguichic. Allilla cashca cachun» nishpami quillcarca.

APOCALIPSIS 14:20

Chai uvascunataca pueblomanta canzhamanmi capishca carca. Chai uvascuna huacaichinamantaca yahuarmi quimsa pasac kilometrocaman rishpa, caballopac shimi shinacaman jundarca.

HECHOS 10:16

Chai lienzo quimsa cutin ricurishpaca, jahua pachamanmi apashca carca.