HECHOS 10:14 - Dios Rimashcata Quillcashcami

¹⁴ Shina nicpimi Pedroca: —Mana, Apunchic Jesús. Mapa animalcunataca mana micushachu, jaicapi mana micushcanichu— nirca.

Nuevo Testamento en Quichua Cañar 1996

¹⁴ Shina nicpi Pedroca: —Mana, Apunchic Jesús. Israelcuna*f** millashpa, mana micuna cashcataca, jaicapi mana micushcanichu— nirca.

HECHOS 10:14 Referans Kwoze

LEVÍTICO 20:25

Chaimantami cancunapish maijanlla micuna animal cashcata, maijanlla mana micuna animal cashcata, shinallatac volac animalcunatapish maijanlla micuna cashcata, maijanlla mana micuna cashcata chicanyachina canguichic. Ñuca chicanyachishca mana micuna animalcunataca volac animaltapish, pambata aisarishpa puric animaltapish ama micunguichicchu. Chaicunata micushpaca mapayanguichicmi.

EZEQUIEL 4:14

Shina nicpimi ñucaca: «¡Mandac Dioslla! Ñucaca huahuamanta pacha cunancaman jaicapi mana mapayashcanichu. Huañushca aichatapish, sacha animal huañuchishca aichatapish, ima shuctac mapa aichatapish mana micushcanichu. Mana shimipi churashcanillapishchu» nircani.

DANIEL 1:8

Danielca jatun mandacpac micunatapish, pai ubiana vinotapish micushpa, ubiashpa mapayanatami paipac shungupi mancharca. Chaimantami mandana huasipi serviccunata mandactaca: “Caita micushpaca mapayashunmi, cai micunata micuchun ama mandaichu” nirca.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

HECHOS 9:5

Chaita uyashpami Sauloca: —Amito, ¿pitac cangui?— nirca. Shina nicpimi chai rimacca: —Ñucaca can piñashpa llaquichicuc Jesusmi cani. Canllatami puyapi chugriric shina, llaquita apacungui— nirca.

SAN LUCAS 1:60

Shina nicucpimi Elisabetca: —¡Mana! Juan shutimi canga— nirca.

SAN MATEO 25:9

Shina nicpimi, chai alli yuyaiyuc solteracunaca: “Ñucanchicmanpish, cancunamanpish faltangami. Catuccunapacman rishpa, cancunallatac randigrichic” nirca.

SAN MATEO 16:22

Chashna nicpimi Pedroca paillata cayashpaca: —Apunchic Jesús, ¡Dios ama munachun! ¡Chaica manatac tucungachu!— nirca.

EZEQUIEL 44:31

Curacunaca paicunallatac huañushca volac animalcunatapish, pamba animalcunatapish, mana cashpaca shuctac animalcunatapish mana micunachu can.

ÉXODO 10:11

¡Mana chai shinaca cangachu! Mandac Diosta servigrishun nishpaca, caricunalla richic— nirca. Faraonca chashna nishpaca, paipac ñaupamanta llucchishpa, cachachunmi mandarca.

GÉNESIS 19:18

Shina nicpimi Lotca: —Ñuca amitocunalla, mana ri pudishachu.

SAN MATEO 8:2

Chaiman leprahuan ungushca runa shamushpa, Jesuspac ñaupapi cumurishpaca: —Apunchic Jesús, can alliyachisha nishpaca, alliyachinguimanllami— nirca.

SAN MATEO 15:11

Imapish shimita yaicucca mana juchayucta ruhuanchu, ashtahuanpish shungumanta llucshishca, mana alli rimaicunami, runataca juchayucta ruhuan— nirca.

MARCOS 7:2

Paicunaca Jesuspac maijan yachacuccuna maquita mana jahuashpa micucucta ricurca.

SAN JUAN 4:11

Shina nicpimi, chai huarmica: —Amito, yacu jundupish ucumi. Imahuan llucchinatapish mana charinguichu. ¿Ima shinatac causaita cuc yacutaca cunguiyari?

HECHOS 10:13

Shuc rimashca uyarishpaca: —Pedro, jatari. Caicunata huañuchishpa micui— nirca.

HECHOS 22:8

Chashna nicpimi ñucaca: “Amito, ¿pitac cangui?” nircani. Shina nicpica: “Ñucaca can llaquichicuc Nazaret pueblomanta Jesusmi cani” nirca.