HEBREOS 9:6 - Dios Rimashcata Quillcashcami

⁶ Chashna Diospaclla ucu allichishca cacpica, curacunami punzhanta ima ruhuana cashcata ruhuangapac yaicuc carca.

Nuevo Testamento en Quichua Cañar 1996

⁶ Tucui allichishca cacpica, curacunaca Diosman mañangapac, carpa huasipi tiyac yaicushcalla ucumanca punzhanta ima ruhuana cashcata ruhuangapacmi yaicuccuna carca.

HEBREOS 9:6 Referans Kwoze

NÚMEROS 28:3

Shinallatac: “Ñucaman cushpa punzhanta tucui rupachingapacca shuc huatayuc ima mana tucushca ishcai cari ovejata cunguichic.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

DANIEL 8:11

Chashna ruhuashpami, jahua pachapi tiyaccunata mandac-huanpish piñarishpa shayarirca. Chashnami punzhanta Diosman cushpa rupachinatapish anchuchishpa Diospaclla huasitapish urmachirca.

NÚMEROS 18:2

Ñucahuan tupana huasipi ari nishca quillcata huacaichina cajón ñaupapi servicushpaca Levipac aillupuramanta cambac huauquicunatapish ayudachun cayangui.

ROMANOS 9:4

Paicunaca Diospac huahuacunami. Taita Israelpac huahua huahuacunami. Chaimantami Diosca paipac huahuacuna cachun acllarca. Diosca paipac sumaimana cashcatapish paicunaman ricuchircami. Moisés mandashcacunatapish, Dios cuyashpa ari nishcacunatapish, Dios cusha nishcacunatapish charinmi. Diosta mañanatapish yachancunami.

HEBREOS 7:11

Israelcunaca Aarón huahua huahuapuramanta cac Leví curacunamantami Moisés mandashcacunataca chasquirca. Chai curacuna gentecunata allichishca cacpica, shucta cura mana ricurinmanchu carca. Chai curaca mana Aarón shinachu carca, ashtahuanpish Melquisedec cura shinami carca.