HEBREOS 9:2 - Dios Rimashcata Quillcashcami

² Dios-huan tupana huasica cai shinami carca: Yaicushcallapica Diospaclla ucumi carca. Chaipica candeleropish, Diosman cushca tandata churana mizapishmi carca.

Nuevo Testamento en Quichua Cañar 1996

² Chai carpa huasica cai shinami carca: Chai callari yaicushcallapica, Diospaclla ucumi carca. Chaipica candeleropish, Diosman cushca tandata churana mizapish carcami.

HEBREOS 9:2 Referans Kwoze

ÉXODO 40:4

Mizata ucuman yaicuchishpa, sumacta allichishpa churangui. Candelerotapish ucuman yaicuchishpa, lamparacunapi luzta japichishpa churangui.

ÉXODO 26:35

Mizataca jarcashca tela canzha ladoman churangui. Candelerotaca miza chimbapurapi carpa huasi ura ladoman churangui. Chaipimi mizaca jahua ladoman saquiringa.

ÉXODO 40:2

«Callari quilla, callari punzhapica ñucahuan tupana huasita shayachingui.

ÉXODO 26:33

Chai telataca ganchocunahuan huarcuchishpa churangui. Chai tela huashapica mandashcacunata huacaichina cajonta churangui. Chai telami ñucapaclla chicanyachishca ucuhuan, ñucapac caishuc ucuhuan chicanyachinga.

ÉXODO 29:35

Aarontapish, paipac churicunatapish ñuca nishca shina, tucuita ruhuangui. Chaicunataca canchis punzhapi ruhuangui.

ÉXODO 29:1

Ñucapaclla chicanyachishca cura cangapacca caicunatami ruhuana cangui: Ima mana tucushca shuc becita, ishcai cari ovejata,

ÉXODO 25:23

Acacia caspimanta shuc mizata ruhuangui. Chai mizaca sunimanca iscun chunga centímetro, anchomanca chuscu chunga pichca centímetro, altomanca canchis chunga centimetromi canga.

ÉXODO 25:30

Chai miza jahuapica punzhanta ñucaman cushca tandata churangui. Ñucapac ñaupamantaca jaicapi mana illanachu can.

ÉXODO 25:31

Shuc candelerotapish alli curita martillohuan huactashpa ruhuangui. Chai candelerotaca chaquitapish, chaquipi cactapish, copacunatapish, manzanacunatapish, sisacunatapish shucllata ruhuangui.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

SAN MATEO 5:15

Luzta japichishpaca mana cajón ucupi churanchu, ashtahuanpish ucupi caccunata achicyachichunmi, pata jahuapi churan.

SAN MATEO 12:4

Paicunaca Diosta mañana huasiman yaicushpami, Diosman cushca tandataca mana micuna cacpipish micurcacuna. Chaitaca curacunami micuc carca.

HEBREOS 9:25

Jatun mandac curaca huatantami animal yahuarta Diosman cungapac Diospaclla chicanyachishca ucuman yaicun. Ashtahuanpish Jesusca mana cutin cutin yahuarta cungapacchu jahua pachamanca yaicurca.