HEBREOS 9:15 - Dios Rimashcata Quillcashcami

¹⁵ Jesucristoca gentecunahuan punta ari nishcahuan juchapi shina causacucpimi mushuc ari ninacuita ruhuarca. Chai shina cacharichishpami Dios cayashcacuna pai cusha nishcata huiñaita chasquichun ruhuarca.

Nuevo Testamento en Quichua Cañar 1996

¹⁵ Dioshuanpish, gentecunahuanpish mushuc ari ninacuita pactachic Jesucristoca huañushpami, gentecuna puntaman ari ninacushcata mana pactachishpa, juchapi huatashca shinacunataca cacharichishca. Chai shinami Dios c'ayashcacuna pai cusha nishcata huiñai huiñaipac chasquichun ruhuarca.

HEBREOS 9:15 Referans Kwoze

ROMANOS 8:30

Callarimanta chicanyachishcacunataca Diosca cayarcami. Chai cayashcacunataca chasquircami. Chasquishcacunataca alli nircami.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

HEBREOS 9:12

Jesucristoca mana chivocunapac, becicunapac yahuarta Diosman cungapacchu Diospaclla chicanyachishca ucuman yaicurca, ashtahuanpish paipac quiquin yahuarta ñucanchicta huiñaita juchapi huatashcamanta cacharichingapacmi shuc cutinlla yaicurca.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

1 TIMOTEO 2:5

Shuclla Diosmi tiyan. Dios-huan gentecunahuan alli tucuchicpish, shucllami tiyan. Paica runa tucungapac shamushca Jesucristomi.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 7:22

Chaimantami Jesusca tucuimanta yalli alli mushuc ari ninacuita ruhuan.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

ROMANOS 5:6

Ñucanchic maita mana quishpiripac cacpimi, Dios acllashca punzha Cristoca juchayuccunamanta huañurca.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

HEBREOS 6:13

Diosca paimanta yalli pi mana tiyacpi, Abrahamhuan paipac shutipi,

HEBREOS 3:1

Chaimanta cuyashca criccuna, cancunaca jahua pacha Dios acllashcacunami canguichic. Dios cayashca cashcamanta Jesucristotaca apóstol cashcata, shinallatac jatun mandac cura cashcata yuyaichic.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

HEBREOS 8:13

Mushuc ari ninacuimanta Dios rimashpaca, ñaupa ari nishcaca ña mauca cashcatami ricuchin. Chai maucayashcaca ña tucurimugricucmi can.

TITO 3:7

Dios yallita cuyashpami, paihuan alli tucushpa, ñucanchic shuyacushca huiñai causaita japichun chashnaca ruhuarca.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

2 TIMOTEO 2:10

Chaimantami Dios tucui acllashcacuna Jesucristohuan shuclla tucushpa, sumaimana huiñai causaita paicunapish japichun nishpa cai llaquicunataca apacuni.

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, pipish ñuca maquimantaca mana quichungachu.

SAN MATEO 19:29

Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

1 JUAN 2:25

Jesucristo ñucanchicman cusha nishcaca, huiñai causaimi can.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

2 TESALONICENSES 2:14

Chashnaca ñucanchic Apunchic Jesucristopac sumaimana cushicuita chasquichunmi, ñucanchicman alli huillaita huillachishpa, Diosca cancunataca cayarca.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

HEBREOS 9:16

Testamento quillcashca tiyacpica, chai testamentota cuc huañucpimi valin.

2 CORINTIOS 3:6

Paillatacmi paipac mushuc ari ninacuita huillachun, ñucanchicman yachachirca. Chaica mana mandashcapi quillcashcachu, ashtahuanpish Diospac Espíritu yachachishcami. Mandashcaca huañuchinmi, ashtahuanpish Espirituca causaitami cun.

ROMANOS 9:24

Diosca ñucanchictaca israelcunapuramantapish, mana israelcunapuramantapishmi acllarca.

ROMANOS 5:10

Dios ñucanchic-huan piñashca cashpapish, paipac Churi huañushcamantami ñucanchicta chasquirca. Ña chashquishca cashpacarin Cristo causacushcamantami quishpichishca cashun.

ROMANOS 5:8

Ashtahuanpish Diosca ñucanchic juchayuc cacpipish, Cristota ñucanchicmanta huañuchun cachashpami, cuyac cashcata ricuchin.

SAN LUCAS 18:18

Shuc mandacca Jesustaca: —Alli Yachachiclla, huiñai causaita charingapacca, ¿imatatac ruhuana cani?— nishpa tapurca.

MARCOS 10:17

Chaimanta llucshishpa, Jesús ñanta ricucpimi, shuc moso callpamushpa, paipac ñaupapi cungurishpaca: —Alli yachachiclla, ñuca huiñai causaita charingapacca, ¿imatatac ruhuana cani?— nirca.

SAN MATEO 25:36

Churana illac cacpipish, churachircanguichicmi. Ungushca cacpipish, carcelpi cacpipish, ricuc shamurcanguichicmi” nishami.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

SALMOS 37:18

Mandac Diosca punzhantami allita ruhuaccunapac causaitaca ricucun. Paicuna japina cashcaca huiñaipacmi canga.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

SAN MATEO 22:3

paipac serviccunata bodaman cayac cachacpi, mana shamusha nic shinami.

SAN LUCAS 22:20

Micushca quipaca, Jesús vaso vinota japishpaca: —Cai vaso vinoca, cancunamanta jichana ñuca yahuarmi. Chaihuanmi Diosca shuc mushuc ari ninacuita ruhuagrin.

HECHOS 20:32

Cunanca, Dios cuyashpa, pai rimashca shimicunahuan sinchiyachichunmi, cancunataca paiman mingani. Pai acllashcacuna japina cashcatapish, paillatacmi cunga.

GÁLATAS 3:20

Diosca cusha nishcataca, pi shucta huillaccunaman mana huillachircachu, ashtahuanpish paillami chaitaca ruhuashca.

HEBREOS 6:15

Abrahamca cushicushpa piñarishpa, shuyacushpami, Dios cusha nishcataca chasquirca.

HEBREOS 10:34

Carcelpi caccunamantaca yallita llaquirircanguichicmi. Cancuna jahua pachapi huiñai huiñaipac tucuimanta yalli allita charishcamantami ima charishcata quichucpipish, cushilla carcanguichic.