HEBREOS 9:14 - Dios Rimashcata Quillcashcami

¹⁴ ¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

Nuevo Testamento en Quichua Cañar 1996

¹⁴ Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

HEBREOS 9:14 Referans Kwoze

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata Diosman cushpa, rupachishca shinami carca.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

HEBREOS 9:12

Jesucristoca mana chivocunapac, becicunapac yahuarta Diosman cungapacchu Diospaclla chicanyachishca ucuman yaicurca, ashtahuanpish paipac quiquin yahuarta ñucanchicta huiñaita juchapi huatashcamanta cacharichingapacmi shuc cutinlla yaicurca.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

HEBREOS 7:27

Jesusca mana shuctac curacuna shina puntaca paipac juchacunamanta, quipaca tucui gentecunapac juchacunamanta animalta Diosman cushpa, rupachicchu, ashtahuanpish Apunchic Jesucristoca huiñaipac shuc cutinlla huañushpami, paillatac Diosman curishpa huañurca.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

HEBREOS 6:1

Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

1 JUAN 3:5

Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.

ROMANOS 6:22

Cunan juchamanta Dios cacharichicpica, paita serviccunami canguichic. Chaimantaca Diospaclla chicanyarishpa, huiñai causaitami japircanguichic.

JEREMÍAS 10:10

Ashtahuanpish Mandac Diosca cashcata nic Diosmi. Paica huiñaita Mandac, causac Diosmi. Pai yallita piñaricpica, allpapish chucchunmi. Shuctac llactacunapi causaccunapish pai piñaricpica, mana causai pudincunachu.

HEBREOS 10:2

Mandashcacuna jucha illacta ruhuac cacpica, animalta Diosman cushpa rupachinata saquishpami, jucha illac canmancuna.

EFESIOS 5:2

Jesucristo ñucanchicta cuyac shinallatac, cancunapish cuyanacushpa causaichic. Paica Diosman cushpa rupachishca mishquiman ashnacuc shina cangapacmi pai quiquinllatac japi tucushpa, ñucanchicmanta huañurca.

EFESIOS 2:5

Chashna cuyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Dios cuyashcallamantami, cancunaca quishpirishca canguichic.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

ROMANOS 11:12

Israelcuna mana cazushcaca tucui cai pachapi causaccunapac allipacmi cashca. Paicuna pandarishcaca mana israelcunapac allipacmi cashca. Israelcuna pandarishca mana israelcunapac allipac cacpica, israelcunata Dios quishpichicpicarin, ashtahuan alli cashcatami yachanchic.

SAN LUCAS 1:74

Ñucanchic imata mana manchashpa, paipacta ruhuac cachunmi, piñaccunapac maquimanta cacharichinga.

1 PEDRO 2:22

Cristoca ima juchata jaicapi mana ruhuarcachu, shinallatac pitapish mana umarcachu.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

GÁLATAS 2:19

Mandashcacunata ruhuangapacca huañushca shinami cani. Shina cashpapish mandashcallatacmi Diospaclla causachun mandarca.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

ROMANOS 11:24

Canca paillatac huiñashca sacha olivos yuramanta pitishpa, alli olivos yurapi churashca shinami cangui. Ashtahuanpish israelcunacarin alli olivos yura ramacuna cashcamantaca, quiquin yurallapitacmi Diosca churanga.

ROMANOS 1:20

Cai pacha callarimanta pachami, Diosta mana ricushpapish, pai ruhuashcacunata ricushpaca, paica poderyuc cashcata, Diosllatac cashcata yachancuna. Chaimanta chai runacunaca: “Mana ricsishcanichu” mana ni pudincunachu.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

DANIEL 6:26

Ñucaca tucui ñuca mandana llactacunapi causaccuna Danielpac Diospac ñaupapi manchaihuan pagui nichunmi mandani. Paica huiñaita causac Diosmi. Pai mandanaca mana tucuringachu. Huiñaita mandacungallami.

LEVÍTICO 22:20

Mana alli animaltaca ama cunguichicchu. Chaitaca mana chasquishachu.

HEBREOS 11:21

Crishcamantami Jacobopish ña huañugricushpaca, Josepac tucui huahuacunaman Dios bendiciachun, Dios bendiciachunmi mañarca. Taunahuan taunallishpami Diosta “allimari cangui” nirca.

HEBREOS 9:9

Caicunaca cunan punzhacunapi yuyaita japingapacmi. Chaica juchacunamantaca animalta Diosman cushpapish, ofrendata cushcapish quiquin yuyaipi juchayuc cashcatami yuyachin.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

DEUTERONOMIO 17:1

Mandac Diosmanca alli huagrata, alli ovejata cunguichic. Chai shina animalcunataca Mandac Diosca millanayachinmi.

HEBREOS 9:7

Ashtahuanpish chai quipa ucumanca jatun mandac curallami huatapi shuc cutin yaicuc carca. Paicunaca quiquin juchamantapish, gentecuna mana yachashcamanta juchata ruhuashcamantapish animalta huañuchishca yahuarta Diosman cungapacmi yaicuc carca.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

HECHOS 1:2

Chaica, Diospac Espíritu apostolcunata poderhuan mandashca quipa, Apunchic Jesusta jahua pachaman pushashca punzhacaman ima tucushcatami quillcani.

SAN LUCAS 12:28

Mana tucui shunguhuan cric gentecunalla, cunanca allpapi sumacta huiñacun, cayaca ninapi rupachishca cana quihuatapish, Diosca sumactami huiñachin. ¡Cancunamancarin, chai quihuamantapish yallimi churachinga!

SAN LUCAS 12:24

Zhutacunata ricuichic. Paicunaca mana tarpunchu, shinallatac mana cosechanchu, mana huacaichinchu. Maipi huacaichinallatapish mana charinchu. Chashna cacpipish Diosca caranllami. ¡Cancunacarin, zhutacunatapish yalli valicmi canguichic!

SAN MATEO 12:28

Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pacha Dioscarin, maijanpish mañacpica, allicunatami cunga.

2 SAMUEL 4:11

¡Manapish millaita ruhuac runata paipac camapi huañuchic millai runacunatacarin! ¿Manachu paicunatapish huañuchishpa cai pachamanta chingachina cani?— nirca.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

NÚMEROS 28:11

Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

ROMANOS 1:4

Diospac jucha illac Espiritumi poderhuan huañushcacunapuramanta causachirca. Chashnami Diospac Churi poderyuc cashcata ricuchirca.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

DEUTERONOMIO 15:21

Shina cashpapish maijan animal mana alli cacpi, suchu, ñahui mana ricuc, imapish tucushca cacpica, ama Mandac Diosman cunguichicchu.

NÚMEROS 28:3

Shinallatac: “Ñucaman cushpa punzhanta tucui rupachingapacca shuc huatayuc ima mana tucushca ishcai cari ovejata cunguichic.

ISAÍAS 53:9

Paica ima llaquita mana ruhuashca cashpapish, mana llullashca cashpapish, chayuccunahuan, Diosta mana manchaccunahuan pactami enterrashca carca.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

JOB 15:16

Yacuta ubiac shina mana allita ruhuac runaca, ¿maitatac alli ricuringayari?

2 REYES 19:16

Mandac Dioslla, cambac ringrihuan uyaiyari, cambac ñahuihuan ricuiyari. Senaquerib nichun cachashcacunata uyaiyari. Paica causac Diosta mana alli nichunmi cachashca.

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

DEUTERONOMIO 5:26

Chaica, ¿pi shuctac runacunata causac Dios nina chaupimanta rimashcata uyashpaca causacungayari?

NÚMEROS 28:9

Samana punzhapica shuc huatayuc ima mana tucushca ishcai cari ovejatapish, ishcai kilo alli harinahuan aceitehuan chapushcatapish, tallina vinotapish cunguichic.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

DEUTERONOMIO 31:27

Cancuna mana cazuc sinchi shungu cashcataca yachanimi. Cunan ñuca cancunahuan pacta causacucpipish, Mandac Diosta mana cazuc cashpaca, ñuca huañushca quipaca, ¡imachari canguichic!

ÉXODO 12:5

Chaitaca ovejamanta, mana cashpaca chivomanta cashpapish ima mana tucushca, shuc huatayuc cari animalta japichic.

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

EZEQUIEL 45:18

Mandac Dios cutinllatac rimashpaca: Huata callari quilla, punta punzhapi mana ima tucushca becita ñucaman cushpa huañuchishpa, ñucapaclla huasita mapa illacta ruhuangui.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

HECHOS 15:9

Paicuna cricpica, paicunapac shungumantapish juchacunata anchuchircami. Chaimantami ñucanchicpish, paicunapish chashnallatac canchic.

1 CORINTIOS 15:45

Dios quillcachishcapica: «Diosca punta Adantaca causaiyuctami ruhuarca» ninmi. Cutin quipa Adantaca causachic Espirituyuctami Diosca ruhuarca.

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

HEBREOS 7:16

Mana runacuna mandacushca shina, mana maijan aillumanta, nishca shinachu carca, ashtahuanpish mana tucuric, causaita charicmi carca.

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

HEBREOS 10:10

Ñucanchicta jucha illacta ruhuangapacmi Jesucristoca Dios munashca shina, shuc cutinlla huiñaipac huañurca.

HEBREOS 10:12

Jesucristoca pai quiquinllatac tucuipac juchacunamanta huiñaipac huañushpami, Diospac alli maquiman tiyarigrirca.

HEBREOS 13:12

Chashnallatacmi Jesuspish gentecunapac juchacunata anchuchingapacca, pueblomanta carupi paipac yahuarta jichashpa, llaquita apashpa huañurca.