HEBREOS 9:1 - Dios Rimashcata Quillcashcami

¹ Punta ari nishcaca, cai pachapi Diosta mañana carpa huasipi imata ruhuanallatacmi huillacurca.

Nuevo Testamento en Quichua Cañar 1996

¹ Punta ari ninacushcaca, cai pachapi Diosman mañana carpa huasipi ima shina Diosman ruhuana cashcallatacmi huillacurca.

HEBREOS 9:1 Referans Kwoze

ÉXODO 25:8

Cancunapac chaupipi ñuca causangapac ñucahuan tupana huasita shayachinguichic.

HEBREOS 8:2

Paica, Diospaclla cac huasipimi curacuna shina servicun. Chai huasica mana gentecunachu ruhuashca ashtahuanpish Mandac Diosllatac ruhuashcami can.

LEVÍTICO 18:30

Cancunaca ñuca nishcata yuyarirashpa pactachinguichic. Pacta cancuna manarac cai llactaman shamucpi, causaccuna shina millaita ruhuashpa mapayanguichicman. Ñucami cancunata Mandac Diosca cani” ninmi ningui» nirca.

LEVÍTICO 22:9

Curacunaca cai ñuca nishcacunata cazuichic. Ñuca mandashcacunata mana pactachishpa, cai mandashcacunata yangapi churashpaca huañunguichicmi. Ñucaca ñucapaclla cachun, chicanyachic Mandac Diosmi cani.

HEBREOS 8:7

Punta ari ninacui alli cashca cacpica, quipa ari ninacuica mana tiyanmanchu carca.

COLOSENSES 2:8

Llullashpa yachachiccuna cancunata yanga paicuna yuyarishcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

EZEQUIEL 43:11

Paicuna millaita ruhuashcamanta pingacpica, cai huasita ima shina ruhuana cashcata ricuchingui. Chaica, ima shina shayachinata, maita llucshinata, maita yaicunata ricuchingui. Shinallatac tucui yachachishcatapish, mandashcacunatapish, tucui imata ruhuanata cashcacunatapish pactachishpa causachun yachachingui.

NÚMEROS 9:12

Chaitaca cayandi punzhapacca mana huacaichinachu, shinallatac chai animalpac tullutapish mana paquinachu. Ima shina mandashca shinami ruhuana can.

HEBREOS 8:13

Mushuc ari ninacuimanta Dios rimashpaca, ñaupa ari nishcaca ña mauca cashcatami ricuchin. Chai maucayashcaca ña tucurimugricucmi can.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

ROMANOS 9:4

Paicunaca Diospac huahuacunami. Taita Israelpac huahua huahuacunami. Chaimantami Diosca paipac huahuacuna cachun acllarca. Diosca paipac sumaimana cashcatapish paicunaman ricuchircami. Moisés mandashcacunatapish, Dios cuyashpa ari nishcacunatapish, Dios cusha nishcacunatapish charinmi. Diosta mañanatapish yachancunami.

HEBREOS 9:24

Chaica Apunchic Jesusca mana gentecunalla ruhuashca carpa huasimanchu yaicurca. Ashtahuanpish jahua pacha Diospac ñaupamanmi yaicurca.