HEBREOS 8:12 - Dios Rimashcata Quillcashcami

¹² Ñucami tucui paicunapac juchacunata perdonasha, shinallatac paicunapac juchacunatapish ña mana ashtahuan yuyarishachu» ninmi.

Nuevo Testamento en Quichua Cañar 1996

¹² Ñucaca tucui paicuna mana alli ruhuashcacunatami perdonasha, shinallatac paicunapac juchacunatapish ña mana ashtahuan yuyarishachu” ninmi.

HEBREOS 8:12 Referans Kwoze

ROMANOS 11:27

Diosca: “Paicunapac juchacunata anchuchingapacmi, ari nircani” nin» ninmi.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

JEREMÍAS 50:20

Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.

JEREMÍAS 33:8

Ñucata llaquichishpa, millaita ruhuashpa juchallishcatapish tucuimi pichasha. Ñucata mana cazushpa, juchacunata ruhuashcatapish, jatun tucushcatapish perdonashami.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

COLOSENSES 1:14

Paimantami juchacunata perdonashcapish, shinallatac huatashca shinamanta cacharichishcapish canchic.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

SALMOS 25:7

Huambrarac cashpa juchata ruhuashcacunatapish, canta cariyashcatapish ama yuyarichu. Mandac Dioslla, can llaquic cuyac, cuyac cashcamanta ñucata yuyariyari.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.