HEBREOS 8:1 - Dios Rimashcata Quillcashcami

¹ Ñucanchic nicushcamanta ashtahuan yallica, jatun mandac curatami charinchic. Paica jahua pacha Dios mandacucpimi alli maquiman tiyacun.

Nuevo Testamento en Quichua Cañar 1996

¹ Cancunaman ñucanchic nicushcamanta ashtahuan yallica, curacunata jatun mandac curatami charinchic. Paica jahua pachaman rishpami, Taita Dios maipi mandacucpi alli maquiman tiyacun.

HEBREOS 8:1 Referans Kwoze

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Diospac alli maqui ladoman tiyacun.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

HEBREOS 10:12

Jesucristoca pai quiquinllatac tucuipac juchacunamanta huiñaipac huañushpami, Diospac alli maquiman tiyarigrirca.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

SALMOS 104:1

¡Ñuca almalla, Mandac Diosta alli niyari! ¡Ñucata Mandac Dioslla, canca yallita jatun Diosmi cangui! Canca achic nicuc-huan, sumaimanahuan churarishca shinami cangui.

SALMOS 21:5

Can mishachishpami paitaca jatunyachircangui. Tucuipac alli nishca cachunmi ruhuarcanguimi.

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

HEBREOS 1:13

¿Diosca maijan angelcunatatac: “Ñuca canta piñaccunata cambac chaqui sarunapi churangacaman, ñuca alli maquiman tiyacuilla” nishca?

EFESIOS 6:20

Diosmi ñucataca alli huillaita huillachun cacharca. Chaita huillacushcamantami cunanca prezu cani. Diosmanta imata mana manchashpa ñuca huillangapac Diosta mañaichic.

ISAÍAS 24:14

Chai saquirishcacunami Mandac Dios jatun cacta ricushpa, yallita cushicushpa cantanga. Yacu chaupipi tiyac llactacunapi causaccunapish alli ningacunami.

SALMOS 145:12

Jatun mancharinacunata can ruhuashcataca, huañuclla gentecunaman ricsichichuncuna. Can mandacuc llactapish sumaimana achic nicuc cashcata huillachuncuna.

SALMOS 110:1

Mandac Diosmi ñucata Mandactaca: «Canta piñaccunata cambac chaqui sarunapi churangacaman ñuca ladopi tiyari» nirca.

JOB 37:22

Jahua ladomantaca curi shina quillunlla achicmi shamun. Diosca sumaimana achic-huanmi paipac muyunditaca shamun.

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

HEBREOS 3:1

Chaimanta cuyashca criccuna, cancunaca jahua pacha Dios acllashcacunami canguichic. Dios cayashca cashcamanta Jesucristotaca apóstol cashcata, shinallatac jatun mandac cura cashcata yuyaichic.

HEBREOS 4:14

Diospac Churi Jesusca jatun mandac cura cashpami, jahua pachaman yaicurca. Chaimantami ñucanchicca crishpa, catirana canchic.