HEBREOS 7:9 - Dios Rimashcata Quillcashcami

⁹ Chungamanta shucta chasquic Leví curacunapish, Abraham Melquisedecman cuc shinami cuncuna.

Nuevo Testamento en Quichua Cañar 1996

⁹ Levipac huahua huahuacunapuramanta cunan chungamanta shucta japic curacunaca, Abraham Melquisedecman cushca shinami paicunapish cuncuna.

HEBREOS 7:9 Referans Kwoze

ROMANOS 5:12

Shuc runallamantami cai pachapica juchaca yaicurca. Chai juchamantami huañuica tiyan. Shinallatac tucui mashna juchallishcamantaca huañunami can.

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

HEBREOS 7:4

Chaimanta Melquisedectaca, jatun cashcatami yuyanchic. Ñucanchic taita Abraham mandaccunahuan macanacushpa quichushcacunata chungamanta shuctami Melquisedecman curca.

DEUTERONOMIO 26:12

Cada quimsa huatami chungamanta shucta cuna huata. Chaicunata cushca quipaca levitacunaman, carumanta shamushcacunaman, taita mama illaccunaman, viudacunaman cunguichic. Chashna cucpimi, cancunapac llactapi causaccunaca huicsa pactata micunga.

SAN MATEO 7:8

Maijanpish mañacca japinmi. Maijanpish mashcacca tarinmi. Huasiyuc nictaca yaicuchinmi.

HEBREOS 7:8

Huañunalla runacunami chungamanta shucta chasquincuna huañunalla runacunami, ashtahuanpish Melquisedecmantaca nishpaca, mana huañushca shinatami Dios quillcachishcapica nicun.

HEBREOS 7:10

Melquisedec Abrahamta tupangapac llucshicpica, Levipac huahua huahuapuracunaca manarac huacharishpa, Abrahampac cuerpopiracmi carca.