HEBREOS 7:5 - Dios Rimashcata Quillcashcami

⁵ Moisés mandashcapish nishca shina, Levipac huahua huahuapuracunami curacuna cashpaca, israelcuna chungamanta shucta cushcata japicmi carca. Chashnami Abrahampac huahua huahuacuna cashpapish ruhuac carca.

Nuevo Testamento en Quichua Cañar 1996

⁵ Moisés mandashcapish nishca shinaca, Levipac huahua huahuapurallami curacuna cana carca. Shinallatac paicunallami, israelcuna*f** chungamanta shucta cushcata japiccuna carca. Paicunapish, tucui israelcunapish Abrahampac huahua huahuacuna cashca jahuapish, chashnami ruhuac carcacuna.

HEBREOS 7:5 Referans Kwoze

HEBREOS 7:10

Melquisedec Abrahamta tupangapac llucshicpica, Levipac huahua huahuapuracunaca manarac huacharishpa, Abrahampac cuerpopiracmi carca.

NEHEMÍAS 13:10

Shinallatac levitacunaman micunata mana cucpi, levitacuna, Diospac huasipi servishpa cantaccuna, paicunapac allpacunaman rishcata yachac chayarcani.

1 REYES 8:19

Shina cashpapish, huasitaca mana canchu shayachingui. Ashtahuanpish cambac churimi ñucata mañana huasitaca shayachinga” nishca carca.

NÚMEROS 18:7

Altar ucupi curacuna ruhuanataca cambac churicunallahuanmi ruhuana canguichic. Shinallatac pañohuan jarcachishca ucupipish cancunallatacmi ruhuana canguichic. Maijanpish chaiman yaicushpaca huañungami. Curacuna ruhuanataca cancunamanmi cuni» ningui nirca.

HEBREOS 5:4

Pipish, pai quiquinllatac mana jatun mandac cura tucunchu, ashtahuanpish Dios acllashcacunallami jatun mandac cura tucun. Chashnami Diosca Aarontaca acllarca.

ÉXODO 28:1

Israelcunapuramanta cambac huauqui Aarontapish, paipac churi Aarontapish, Nadabtapish, Abiutapish, Eleazartapish, Etamartapish ñucapac curacuna tucushpa, ñucata servichun cambac ñaupaman cayangui.

GÉNESIS 46:26

Jacobomanta mirarishca tucui churicunahuanmi Egiptoman rirca. Paipac churicunapac huarmicunata mana yupashca, tucui gentecunaca sucta chunga suctami rirca.

ÉXODO 1:5

Jacobopac tucui aillucunaca canchis chungami carca. Joseca ñami Egiptopi causacurca.

GÉNESIS 35:11

Shinallatac Diosca: «Ñucaca imatapish ruhuaclla Diosmi cani. Canca achca huahuayucmi tucungui. Chai huahua huahuacunamantaca shuctac llactacunami tucunga, canmantami jatun mandaccunaca llucshinga.

DEUTERONOMIO 26:12

Cada quimsa huatami chungamanta shucta cuna huata. Chaicunata cushca quipaca levitacunaman, carumanta shamushcacunaman, taita mama illaccunaman, viudacunaman cunguichic. Chashna cucpimi, cancunapac llactapi causaccunaca huicsa pactata micunga.