HEBREOS 7:11 - Dios Rimashcata Quillcashcami

¹¹ Israelcunaca Aarón huahua huahuapuramanta cac Leví curacunamantami Moisés mandashcacunataca chasquirca. Chai curacuna gentecunata allichishca cacpica, shucta cura mana ricurinmanchu carca. Chai curaca mana Aarón shinachu carca, ashtahuanpish Melquisedec cura shinami carca.

Nuevo Testamento en Quichua Cañar 1996

¹¹ Israelcunaca Levimanta cac curacunamantami Moisés mandashcacunataca chasquirca. Paicunaca Aaronpac huahua huahuacunapurami carca. Cai curacuna gentecunata allita allichina cashca cacpica, cutin shuc curaca mana ricurinachu carca. Chaica mana Aarón layachu cana carca, ashtahuanpish Melquisedec cura layami cana carca.

HEBREOS 7:11 Referans Kwoze

HEBREOS 8:7

Punta ari ninacui alli cashca cacpica, quipa ari ninacuica mana tiyanmanchu carca.

GÁLATAS 2:21

Dios mai cuyashcataca mana yangapichu churani. Mandashcacunata pactachishpalla Dios-huan alli tucuna cacpica, Cristo huañushcaca yangamantami canman.

HEBREOS 7:21

ashtahuanpish Apunchic Jesusca Dios-huan ari nishcamantami cura carca. Chaimantami Dios quillcachishcapica: “Ñuca shimihuan pactachishatacmi nishcataca mana shuctacyachishachu. ‘Canca huiñai huiñaipacmi cura cangui’ nini” ninmi.

HEBREOS 7:15

Melquisedec shina shuc mushuc cura ricuricpica, ñucanchic nicushcaca chashnatac cashcatami ricuchin.

HEBREOS 5:6

Shinallatac Dios quillcachishcapica: «Canca Melquisedec shinallatacmi, huiñai huiñaita cura cangui» ninmi.

GÁLATAS 4:9

Cunanca Diosta ricsiccunami canguichic, ashtahuancarin Diosmi cancunata ricsin. ¿Shina cashca jahuachu cutinllatac imapish mana valic, yanga ruhuanacunallata cazushpa, huatashca shina causashun ninguichic?

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinami, huiñaita jatun mandac cura tucurca.

HEBREOS 5:10

Diosca Melquisedecta shinami, jatun mandac curata ruhuarca.

GÁLATAS 4:3

Chai shinami ñucanchicpish huahuacuna shina cashpaca, cai pachapi imapish ruhuanacunallata cazushpa, huatashca shina causacurcanchic.

HEBREOS 7:10

Melquisedec Abrahamta tupangapac llucshicpica, Levipac huahua huahuapuracunaca manarac huacharishpa, Abrahampac cuerpopiracmi carca.

HEBREOS 7:12

Shuctac cura shamucpica, mandashcacunapish shuctacyarinmi.

HEBREOS 7:13

Chashna nishpaca, Apunchic Jesusmantami nicun. Paica mana Levipac huahua huahuapurachu, paipac ñaupa taitacunapish jaicapi mana curacunachu cashca.

HEBREOS 9:6

Chashna Diospaclla ucu allichishca cacpica, curacunami punzhanta ima ruhuana cashcata ruhuangapac yaicuc carca.