HEBREOS 6:9 - Dios Rimashcata Quillcashcami

⁹ Cuyashca criccuna, cashna rimashpapish cancuna allita ruhuashpa, quishpirinaman pushac ñanta caticushcatami yachanchic.

Nuevo Testamento en Quichua Cañar 1996

⁹ C'uyashca criccuna, cashna rimashpapish cancuna imatapish allita ruhuashpa, quishpirinaman pushac alli ñanta c'aticushcatami yachanchic.

HEBREOS 6:9 Referans Kwoze

HEBREOS 10:39

Ñucanchicca mana catinata saquishpa, llaquiman riccuna shinachu canchic, ashtahuanpish quishpiringapac Jesusta criccunami canchic.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

2 CORINTIOS 7:10

Dios munashca shina llaquirishpaca, Diosman cutirishpa quishpirinatami japinga. Chaimantaca mana llaquirinachu can. Ashtahuanpish cai pacha munaicunamanta llaquirishpaca, huañuitami japinga.

HEBREOS 10:34

Carcelpi caccunamantaca yallita llaquirircanguichicmi. Cancuna jahua pachapi huiñai huiñaipac tucuimanta yalli allita charishcamantami ima charishcata quichucpipish, cushilla carcanguichic.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

1 CORINTIOS 10:14

Chaimanta cuyashca criccuna, ruhuashcalla dioscunata ama adoraichicchu.

HECHOS 20:21

Israelcunamanpish, mana israelcunamanpish Diosman llaquirishpa cutirinamanta, Apunchic Jesucristota crinamantami huillarcani.

MARCOS 16:16

Maijanpish crishpa, bautizaricca quishpiringami. Ashtahuanpish mana cricca, juchanchishcami canga.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Diospac ñaupapi, shinallatac Jesucristopac acllashcacuna cashcamantami chashnaca ninchic. Cuyashca criccuna, imatapish ruhuashpaca, tandanacushca criccuna sinchiyashpa catichunmi chashnaca ruhuanchic.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

2 PEDRO 3:1

Cuyashca criccuna, caihuanca ishcai cutinmi quillcashpa cachani. Ishcai quillcacunapitacmi alli yuyaihuan allita catichun nishpa, cunashpa rimani.

1 JUAN 2:7

Cuyashca huauquicuna, mana mushuc mandashcatachu quillcani, ashtahuanpish ñaupaman cancuna chasquishca mandashcallatatacmi quillcani. Cai mandashcatami ña uyashpa chasquircanguichic.

SAN JUDAS 1:3

Cuyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita catina cacpimi, caita quillcani.