HEBREOS 6:8 - Dios Rimashcata Quillcashcami

⁸ Ashtahuanpish cashallata, mana alli quihuallata pucucca, mana alli allpachu. Chaicunataca Dios piñarishpami ñalla tucuchinga.

Nuevo Testamento en Quichua Cañar 1996

⁸ Ashtahuanpish cashallata, mana alli q'uihuallata p'ucushpaca, imapish mana alli allpa shina cashcatami ricuchin. Chaicunataca Dios p'iñarishpami ñalla tucuchinga.

HEBREOS 6:8 Referans Kwoze

SAN JUAN 15:6

Maijanpish ñucahuan mana cactaca, mana pucuc ramata shinami pitinga. Ña chaquicpica, tandashpami ninapi rupachingami.

DEUTERONOMIO 29:28

Chashna yallita piñarishpa, mana ricunayachishpami paicunataca llactamanta sapindi aisac shina, Mandac Diosca shuctac llactacunaman catishpa cachashca. Chaitami cunanca ricunguichic” ninga.

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

HEBREOS 12:17

Quipata, paipac taitaman bendicionta yallita huacashpa, mañashpapish mana chasquircachu. Chashna llaquirishpapish imata mana chasquircachu. Chaitaca cancunallatac yachanguichicmi.

HEBREOS 10:27

Ashtahuanpish manchana taripana punzha, rupachishpa chingachic ninallami shuyacun. Chai ninaca Diosta mana cazuccunatami tucuchinga.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

MARCOS 11:21

Chaimanta Pedroca Jesús nishcata yuyarishpaca: —Yachachic ricui. Can llaquichishca yuraca, chaquishcami— nirca.

MARCOS 11:14

Chaimantami Jesusca chai yurataca: —Cai yuramantaca, ama pi ashtahuan micuchun— nirca. Chashna rimactaca, paipac yachacuccunaca uyacurcami.

SAN MATEO 7:19

Mana alli granota pucuc yurataca, tucui pitishpa ninapi shitanami.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

EZEQUIEL 20:47

Neguev pambapi tiyac sachataca: “¡Mandac Diospac rimashcata uyaichic! Mandac Diosca: Riquichic, ñucami ninata japichishpa, verdinlla yuracunatapish, chaquishca yuracunatapish tucui rupachigrini. Chai ninaca mana huañungachu, ashtahuanpish ura ladomanta, jahua ladocamanmi gentecunapac ñahuita rupachinga.

JEREMÍAS 17:6

Shitashca pambapi huiñashca retama yura shinami canga. Ima alli shamuctapish mana ricushpa, gentecuna mana causana, shitashca rumi allpapi, cachi allpapimi causanga.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

JOB 31:40

trigo huiñanapac randica cashacuna huiñachunlla. Cebadapac randica yanga quihuacuna huiñachunlla» nircami. Job huillashcacunaca caillapimi tucurin.

GÉNESIS 5:29

Chai huahuataca: «Dios allpata mana alli nishcamanta allpapi yalli ñucanchic rigracunahuan sinchita trabajacucpimi, samachinga» nishpami Noeta shutichirca.

GÉNESIS 4:11

Cunanca, canca cambac huauquita huañuchishpa, pambapi yahuarta jichashcamantaca mana alli nishcami cangui. Cai allpami shimita pascac shina, cambac huauquipac yahuartaca chasquirca. Chaimantami cai allpamanta llucchishpa cachashca cangui.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

2 SAMUEL 23:7

Maijanpish japisha nishpaca, fierrohuan mana cashpaca, lanzahuanmi japinga. Chaimantaca, chaillapitac rupachishpami tucuita chingachinga.

ISAÍAS 27:4

Chai chagrataca mana piñashachu. Casha yuracuna, cardos yuracuna tiyacpica, tucuita anchuchishpa, sarushpa, tucui rupachisha.