HEBREOS 6:5 - Dios Rimashcata Quillcashcami

⁵ Diospac sumac rimashcatapish, shamuc punzhapi Dios imata ruhuana cashcatapish yachac chayashca jahua,

Nuevo Testamento en Quichua Cañar 1996

⁵ Diospac sumac rimashca shimitapish, shamuc punzhapi Taita Dios imata ruhuana cashcatapish yachac chayashca jahua,

HEBREOS 6:5 Referans Kwoze

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

1 PEDRO 2:3

Apunchic Jesús mai cuyac cashcata ña yachashcamantami, chaita ruhuana canguichic.

2 PEDRO 2:20

Maijanpish ñucanchicta Mandac Quishpichic Jesusta crishpaca, chai mana alli causaimanta anchurishcami can. Chashna anchurishca cashpapish cutin chaillamanta tigrarishpaca, ñaupa ima shina causacushcatapish ashtahuan yallimi tucun.

HEBREOS 2:5

Ñucanchic parlacushca, chai shamuna cashca mushuc llacta mandanataca, Diosca mana angelcunamanchu curca.

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.

SALMOS 34:8

Mandac Dios alli cactaca cancunallatac ricushpa yachaichicyari. ¡Paipi miticuc runaca maimi cushicun!

SAN MATEO 12:32

Runa Tucungapac shamushca ñucata rimactaca Diosca perdonangami. Ashtahuanpish Diospac Espirituta rimactaca, cai pachapipish, quipa punzhapipish Diosca manatac perdonangachu.

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadatapish yallimi. Chaimantami almatapish, espiritutapish, mucucunatapish, tullu ñutcutapish chaupishpa, yaicui pudin. Shinallatac shungu imata munashcatapish, yuyashcatapish yachanmi.

HEBREOS 11:3

Crishcallamanta Diospish rimashcallahuan cai pachata, jahua pachata ruhuashcatami yachanchic. Chaitaca imapish mana ricuricmantami ruhuashca.

1 PEDRO 1:25

Ashtahuanpish Dios rimashca shimica huiñaita causacungallami» ninmi. Cai shimicunatami quishpirinamanta alli huillaita huillacpica uyarcanguichic.