HEBREOS 5:2 - Dios Rimashcata Quillcashcami

² Mandac curaca paipish juchapi urmanalla cashcamantami, caishuc mana yachac chingarishca shina gentecunataca llaquinga.

Nuevo Testamento en Quichua Cañar 1996

² Curacunapish juchapi urmanalla cashcamantami, caishuc mana yachac chingarishca shina gentecunamantaca llaquinga.

HEBREOS 5:2 Referans Kwoze

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

HEBREOS 2:18

Paica, diablo pandachisha nicpi, pai llaquita apac cashcamantami, maijanpish chai shina llaquihuan caccunata, ayudangapac poderta charin.

HEBREOS 7:28

Moisés mandashcaca juchayuc runacuna jatun mandac cura cachun nin, ashtahuanpish Dios, pai ari nishpaca, Moisés mandashcacunamanta quipa cashpapish, huiñaita pactachic paipac Churitami jatun mandac cura cachun nin.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.

GÁLATAS 4:13

Callaripi alli huillaita cancunaman huillacushpaca, ungushca cashpami huillarcani. Chaitaca cancunallatacmi yachanguichic.

2 CORINTIOS 12:5

Chai runamantami ñucaca jatun tucuiman. Shina cacpipish ñucallamantatacca mana jatun tucuimanchu. Ñuca jatun tucushpaca, llaquita apashpa, imata mana ruhuaipac cashcamantami jatun tucusha.

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

2 CORINTIOS 11:30

Imamanta jatun tucuna cacpica, imata mana ruhuaipac shina cashcamantami jatun tucusha.

SAN LUCAS 22:32

Chashna cacpipish, can sinchi cric cachunmi ñucaca Diosta mañarcani. Can ñucaman cutirishpaca, ñucata caticcunamanpish ñucata catichun alli yuyaita cungui— nirca.

ISAÍAS 30:11

Alli ñanmanta, alli yachaimanta anchurichic. Israelcunapac jucha illac Diosmanta ama ashtahuan ñucanchic ñaupapi rimaichicchu” nincunami» ninmi.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

JUECES 2:17

Shina cacpipish, israelcunaca juezcunata mana uyasha nishpami shuctac dioscunata catishpa adorarcacuna. Paicunaca mana ñaupa taitacuna shina Mandac Dios mandashcata cazushpa causarcacunachu, ashtahuanpish Mandac Diosmanta anchurishpami shuctac causaita causarca.

ISAÍAS 29:24

Panda yuyaita chariccunaca alli yuyaita japingami. Juchanchiccunapish yachacungacunami» nirca.

EFESIOS 4:18

Paicunaca amsa yuyaillata charishpami, mana alli yuyaita japincuna. Diosmanta shamuc mushuc causaitaca, yuyai illac rumi shungu cashcamantami mana chasquincuna.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

HEBREOS 9:7

Ashtahuanpish chai quipa ucumanca jatun mandac curallami huatapi shuc cutin yaicuc carca. Paicunaca quiquin juchamantapish, gentecuna mana yachashcamanta juchata ruhuashcamantapish animalta huañuchishca yahuarta Diosman cungapacmi yaicuc carca.

SANTIAGO 5:19

Ñuca cuyashca criccuna, cancunapuramanta maijanpish cashcata nic huillashcata saquishpa, pandarishpa puricucpi, maijan cunashpa, Diosman tigrachishpaca,

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.