HEBREOS 5:12 - Dios Rimashcata Quillcashcami

¹² Cancunaca cai tucui huatacunapica, ña yachachiccunami cana canguichic. Shina cashpapish, Diosmanta callari yachachinacunata yachachinami tucushcanguichic. Sinchi micunata micunapac randica, huahuacuna lechellata ubiac shinami canguichic.

Nuevo Testamento en Quichua Cañar 1996

¹² Cancunaca cai tucui huatacunapica, ña yachachiccunami cana carcanguichic. Shina cashpapish cutin callarishpa, Diosmanta yachachinacunami tucushcanguichic. Cancunaca sinchi micuita micuc shina sinchiyanapac randica, huahuacuna lechellata micuc shinami huahuayashcanguichic.

HEBREOS 5:12 Referans Kwoze

HEBREOS 6:1

Chaimanta Cristomanta callari yachanacunata saquishpa, ashtahuanpish alli yachaccuna cangapac ashtahuan yachacushun. Diosman cutirinamanta, ima shina crina yuyaicunamanta, huañuiman apacuc ima millaicunamanta,

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.

HEBREOS 5:13

Lechellahuan causac huahuacuna shina cashcata ruhuashpa causanamanta entendincuna.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

SALMOS 34:11

Huahuacunalla, shamushpa uyaichicyari. Mandac Diosta manchanatami yachachigrini.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

ESDRAS 7:10

Esdrasca Mandac Dios mandashcata allita yachacushpa, cazushpa imata ruhuachun mandashcata pactachichun cushca shimicunata, Israel llactapi yachachinatami tucui shunguhuan munarca.

2 SAMUEL 16:23

Cai punzhacunapica Ahitofel yuyaita cushcataca Dios rimashpa yuyaita cushcata shinami yuyac carca. Chashnallatacmi Davidpish, Absalonpish yuyac carca.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

1 CORINTIOS 14:19

Shina cashpapish, tandanacushca criccunapurapica chunga huaranga mana yachashca rimaita rimanapac randica, entendinalla pichca rimaitami, yachachingapac rimasha nini.

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

HECHOS 7:38

Chai Moisesllatacmi shitashca pambapi ñaupa taitacunahuan carca. Paillatacmi Sinaí urcupi ángel rimashcata ñaupa taitacunaman huillangapac apamurca. Chai rimashcacunaca causaita cuc rimaicunami.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.

FILIPENSES 3:1

Cuyashca criccuna, ¡Apunchic Jesus-huan cashcamanta cushicuichic! Cancunaman mai alli cacpimi, ñucamanca chaillatatac, chaillatatac nishpa quillcanaca mana shaicuchin.

ISAÍAS 28:13

Chaimantami Mandac Diosca chai mandashcallatatac, chai shimicunallatatac, chai yachaicunallatatac, maijan quillcashcacunallatatac cutin cutin yachachinga. Ashataca caimanta, ashataca chaimantami paicuna llaqui tucungacaman, prezuringacaman rimacungalla.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

GÁLATAS 4:3

Chai shinami ñucanchicpish huahuacuna shina cashpaca, cai pachapi imapish ruhuanacunallata cazushpa, huatashca shina causacurcanchic.

HEBREOS 5:11

Caicunamanta rimanaca achcami tiyan. Shina cacpipish, cancuna mana utca entendiclla cacpimi, mana tucuita entendichinchic.

HEBREOS 10:32

Ñaupa punzhacuna Dios yuyaita achicyachicpi, yalli llaquicunata apashcataca cancunallatac yachanguichicmi.